Mango Mania

营业中

休息中

同朋友系北角食完泰国菜 Orange Elephabt 之后意由未尽，仲想再食多少少甜品先，就黎到呢间和富中心入面既Mango Mania 食芒果！！一睇佢既外貌同埋名就知主要食芒果，best seller 都系芒果甜品，我朋友系芒果控就岩哂佢啦😋😋因为岩岩食饱所以我地叫左个Super Mango Mania 黎share, 再另加一杯饮品。为左试最多唔同款既芒果就一定要叫呢个超级芒果狂热啦，有齐芒果糯米饭，布甸，雪糕，芒果肉同芒果汁，一次试哂每一种😋😋呢个季节芒果当造，佢地既芒果粒粒都好甜好好食，每样份量唔太多，岩岩好满足我地又想试哂每一样又惊一下就饱哂既人布甸同雪糕都食到好重芒果味，食完超满足☺️☺️另外仲叫左杯饮品解渴，系芒果椰子西米慕斯特饮，底层系西米，中间芒果汁，上面有少少慕斯既感觉同埋一片片既椰子肉，闻落好有椰子香，同芒果好夹🥭🥥但系个西米都好饱肚，食完两个甜品真系饱到捧住个肚走🤣🤣又同朋友开心倾左一晚计又试到好食既甜品真系好满足。