三姐松記糖水 (已結業)

好有趣嘅舖头，有一个好中式嘅名，但行到入去又非常西式㖞！其实似cafe多过糖水店。餐牌入面有中式糖水、心太软、汤圆、pancake、木糠布甸、杨枝金露等，种类算多。上完堂饿饿哋，两个人share三款食就啱晒芒果肠粉 ($35)条肠粉唔似平时𠮶啲系用椰汁造嘅，呢个系真系似饮茶𠮶款肠粉皮㖞，仲要加埋芝麻，像真度更高！晶莹剔透内里透黄，粉皮够韧唔易散，仲要超滑溜，真系唔小心就会瀡咗落喉咙！再落啲芒果汁，味道更鲜甜到爆！热椰皇蛋白炖奶 （＄34）椰香仲要扑鼻而黎，椰皇本身已经芳香清甜，加上香浓嫩滑嘅蛋白炖奶，徘徊在似椰香又奶香之间，食落滑嘟嘟又香甜；平时饮椰青好难撬到啲肉出嚟食，但食晒蛋白炖奶之后就可以好轻易咁撬起软绵绵嘅椰皇肉呢！绿茶心太软 ($56)个menu上得朱古力心太软，喺失望之际突然抬头见到黑板写住有绿茶心太软，即刻开心到个心都软咗！心太软旁边有一球雪糕及红豆，感觉上冇咁单调；一切开，杰身嘅绿茶浆缓缓流出；焗得几好，外面微脆，入面质感似蛋糕，绿茶浆带有微甘不过又唔会好甜；之后食返个食晒3款甜品满足晒啦，唔开心都即时开心返服务好好，值得一赞！