許留山 (已結業)

星期日这个阳光充沛嘅好日子，辣椒我竟然要一大早返工ot, 天啊真命苦。 为咗消感苦楚，顺便消消暑气，放工后决定走入附近最近嘅许留山，感受下被芒果包围嘅感觉。坐低叫咗芒之恋，好快就送上，一盘有3小碗，芒果水晶粉，芒果糯米糍同芒果小丸子。唔知系咪我太out, 少食甜品，亦好耐好耐冇嚟许留山，觉得佢哋嘅出品卖相好好，好吸引。芒果水晶粉芒味浓郁，粉QQ的，好味。芒果糯米糍保持水准，至于芒果小丸子，辣妹一向对汤丸类嘅物体冇咩好感，尤其系冇馅嘅，就更加唔like, 所以完全放弃小丸子只饮咗芒果汁。但整体唔错。食完之后成个人舒服哂。