影片
更多
2020-10-19
510 浏览
难得放假，我同朋友就去咗海边逛逛，其实个海边系指北角码头🤣，顺便行下新商场嘛。而且附近嘅和富中心最近亦都翻新咗，开咗唔少新餐厅，我哋去埋𠮶度八卦一下。最近细食咗，好多时晏食完午餐，夜晚都唔觉肚饿。行完一轮无咸食吸引到我，反而我好想食甜品，加上「Mango Mania」店员落力喺门口叫人入去试吓，我哋就帮衬下佢啦🙆♀️！入到去冇耐，我哋就发现其实两间餐厅系相通，隔离嘅橙象系食泰国菜🇹🇭，而甜品呢边系泰国过江龙嚟。最令我Surprised系店员们同甜品师都系泰国人，我真系完全无谂过，顿时觉得食物出品应该几正宗。甜品餐牌黄黄的💛，九成甜品同饮品都系关芒果事，芒果🥭，全部都系芒果！价钱唔算贵㖞，特别系见到实物之后就知物有所值。超级芒果狂热Super Mango Mania($68)，睇图就知呢个系Combo，第一次食的话试杂锦就最好不过。甜品组合好丰富，卖相吸引😍，包括半个切花嘅芒果、芒果糯米饭、芒果布甸、芒果雪糕同埋鲜忌廉。芒果做到好挺身同拱桥嘅效果😂，原因系下低用只匙羹托起。🍮布甸有惊喜，因为佢系好浓果肉𠮶种，会见到一丝丝芒果，牛奶或布甸粉嘅含量较低。一向麻麻糯米饭🍚嘅我对呢度出品评价唔错
最近细食咗，好多时晏食完午餐，夜晚都唔觉肚饿。行完一轮无咸食吸引到我，反而我好想食甜品，加上「Mango Mania」店员落力喺门口叫人入去试吓，我哋就帮衬下佢啦🙆♀️！
入到去冇耐，我哋就发现其实两间餐厅系相通，隔离嘅橙象系食泰国菜🇹🇭，而甜品呢边系泰国过江龙嚟。最令我Surprised系店员们同甜品师都系泰国人，我真系完全无谂过，顿时觉得食物出品应该几正宗。
甜品餐牌黄黄的💛，九成甜品同饮品都系关芒果事，芒果🥭，全部都系芒果！价钱唔算贵㖞，特别系见到实物之后就知物有所值。
超级芒果狂热
$68
18 浏览
0 赞好
0 留言
芒果做到好挺身同拱桥嘅效果😂，原因系下低用只匙羹托起。🍮布甸有惊喜，因为佢系好浓果肉𠮶种，会见到一丝丝芒果，牛奶或布甸粉嘅含量较低。
一向麻麻糯米饭🍚嘅我对呢度出品评价唔错，首先份量比较迷你，大小就如一球雪糕，啱哂我，糯米饭本身已经饱滞，份量太多的话似食紧正餐😅。再者，糯米饭质感软稔，但又无浆住个口嘅感觉，配合埋咸咸哋嘅椰汁一齐食🥥，好好味。糯米饭上面仲有啲脆米添。
芒果冰砖
$70
7 浏览
0 赞好
0 留言
冰砖外层嘅芒果粒好冰冻🥶，冰得好夸。大约食咗四至五粒芒果就可以「破冰」喇，刨冰唔系台湾𠮶种剉冰，似雪花冰多啲，形态绵绵的，一丝丝好细滑，而且本身亦都有少少奶味。嫌唔够味的话可以加埋伴旁嘅炼奶同芒果酱一齐食，又或者连埋上面球雪糕食都得🍨。
我自问唔特别钟意食芒果，但呢度嘅甜品确系几有特色，唔系一般本地甜品舖可以做出嚟嘅味道，最起码全部芒果都好靓好新鲜👍，一啲都唔酸。
总括嚟讲，如果系芒果狂迷，真系值得嚟到北角试试，我相信唔会失望。本身以为餐厅环境几靓，又有啲服务，所以要收加一服务费，点知原来唔驶的，性价比高✌🏻。无得去泰国，唯有嚟呢度怀缅一下原味道先啦😙。
张贴
