影片
更多
2014-01-17
7990 浏览
半岛酒店喺1928年开业，系香港首屈一指既五星级酒店，经常都有唔少本地甚至外国名人嚟到半岛用饍或者住房。大家都听闻过半岛服务水准好同食物质素高，然而半岛对于部分人都系一个却步既名字，因为唔少人都认为半岛花费会好贵。半岛酒店内可以食到唔同国家菜式兼具质素既餐厅，例如法国菜既felix、gaddi's 西餐厅，亦有imasa呢间日本料理、奶皇月饼经常被抢购一空既粤菜嘉麟楼、仲有chesa 呢间主打瑞士菜既餐厅。一提起瑞士菜，大家会第一时间谂起啲咩？相信唔少人都会话系芝士火锅，其实又点止芝士火锅咁少呢？既然天气寒冷，决定同朋友去半岛食番餐瑞士菜，进行一次寻味之旅。半岛圣诞装饰半岛christmas decorations 好靓，布置既星星"闪耀"著四周，令人仿如置身童话里。Chesa 门外有雪境同火车既布置，我望住架火车不断循环行驶，谂番起细细个都好钟意玩火车，玩一阵就已经可以好开心，童年既快乐其实真系可以好简单。我大约一星期前订位，到达后等多大约十分钟就可以入内。Chesa 系由一道颇为细既门进入，感觉好似去到瑞士既农舍，一入到去会有大爉烛，环境几浪漫，餐厅内唔算太大，大约可以坐50人左右
半岛圣诞装饰
半岛christmas decorations 好靓，布置既星星"闪耀"著四周，令人仿如置身童话里。
Chesa 门外有雪境同火车既布置，我望住架火车不断循环行驶，谂番起细细个都好钟意玩火车，玩一阵就已经可以好开心，童年既快乐其实真系可以好简单。我大约一星期前订位，到达后等多大约十分钟就可以入内。Chesa 系由一道颇为细既门进入，感觉好似去到瑞士既农舍，一入到去会有大爉烛，环境几浪漫，餐厅内唔算太大，大约可以坐50人左右。服务方面经理同侍应都殷勤有礼，会讲解menu 上既食物款式之外亦会主动加水，当有客人要求为他们拍照经理亦会十分乐意。
Bread basket
面包篮上有三款面包，分别有类似pretzel既面包、sourdough同 bread rolls等。整体面包温度唔算热，不过都几软熟同有小麦既香味。Raclette du Valais ($160)
除左Crab meat pancake 之外，Raclette du Valais 都系Chesa 一道不能错过既starter。Raclette cheese 系源于瑞士高山，Chesa既raclette du Valais做得唔错，芝士松软得嚟芝士味非常香浓，而且有种raclette cheese独特既咸香。刮下碟上芝士混入其他配料例如新薯、洋葱、黄瓜同蓄茄一齐食，芝味无穷，滋味十足。不得不赞既亦都有新薯，new potato外皮十分薄，而且爽脆兼juicy，好有口感而且好好食！Fondue Montagnarde ($250)
Chesa 主要有两款芝士火锅选择，分别系Fondue moitie-moitie同埋Fondue Montagnarde，同朋友选择左后者。 Fondue Montagnarde 其实即系Emmentaler、Appenzeller 同Gruyère 三款芝士混合，加上烟肉、法包、macaroni 同埋薯仔。小小提示：由于芝士火锅内系有白酒，而且白酒系会带有少许苦味，所以大家如果唔钟意有苦味可以向经理或者waiters 提出减少白酒既份量。芝士火锅入面既芝士系几香，但其实唔算太浓味，不过都唔会太腻。烟肉带有既咸香丰富左味道既层次感，macaroni 亦都做到al dente，弹牙得嚟唔会太腍同太硬，薯仔都系juicy同埋fresh。Emince de veau zurichois ($360)
主菜方面Emince de veau zurichois 唔错，其实即系瑞士薯饼配牛仔肉。牛仔肉既肉质非常嫩滑，完O3唔会chewy，薯饼用上新鲜薯仔切丝去煎，煎得几香脆，而且唔会好似有啲食店既薯饼咁一咬就成口油，唔会太油腻。而牛仔肉配上既light cream sauce，感觉轻盈同creamy，同牛仔肉好match。Petit four
Petit four 有两款，一款系方形橙味既饼，橙味几香而且几chewy，另外一款系软心朱古力，入面有果酱，两款都做得几出色，为呢一餐划上一个完美既句号。Chesa 确系香港瑞士菜中，做得数一数二咁好既一间餐厅，质素高但价钱系处于一个好合理既水平。我本人好钟意芝士，呢一晚同朋友喺呢一间几款芝士菜式都做得出色既餐厅确系食得十分快乐，滋味无穷。人愈大，同朋友聚旧既机会就会愈嚟愈少，始终大家返学或者上班既时间都好难相就，甚至有啲朋友喺外国读书，一年可能先见到一、两次。所以呢一晚喺Chesa 一边食出色既菜式，一边同超过一年无见既朋友相聚聊天，笑谈往事，计划未来，十分满足。愿大家友谊永固。
张贴
