影片
更多
2014-09-18
3950 浏览
一向都好钟意食带有芝士嘅食物，例如芝士饼、意粉、薄饼……等等，而食薄饼更经常糁满芝士粉晌薄饼之上，睇见好几位朋友对长沙湾「米走鸡」所撰写嘅食评，引起小弟唔少兴趣，加上地点几就脚，由屋企搭两个站地铁就到，所以，就捉埋两个朋友，揾个闲日夜晚过嚟试一试。由于餐厅位处青山道近尾一截，附近都喺旧楼多，以及几个待发展嘅地盆，所以，入夜都有啲静，人流唔多，而入到餐厅内，亦感觉客人以街坊客居多。室内环境虽然无乜雅致嘅装修，但够晒干净企理，精简平实。离远走近餐厅时，已晌门口见到佢两个主打火锅嘅灯箱：「黄金芝士鸡煲」及「火焰麻辣鸡煲」，为着前者而来，所以，亳无悬念。其实，原来仲有其他汤底供打边炉选择，例如：香浓猪骨汤、惹味沙嗲汤、四川麻辣汤、粟米蕃茄猪骨汤几款。啱啱坐低，店员就递上A4大细一页过嘅点餐纸，虽然鸡煲已定，但当然都要先细阅一下有咩选择。火锅配菜由肉类、海河鲜、蔬菜及菌类、内脏、丸类，到粉面，大概60多款食物，此外，仲有酒水。除咗一啲时价嘅海河鲜外，感觉整体定价亦喺平实，有啲配菜仲有全份、半份供选择，非常有弹性，点餐纸右下角更列明4-11月夏季期间免收加一添，赞呀！黄金芝士鸡煲 $128芝士鸡煲
由于餐厅位处青山道近尾一截，附近都喺旧楼多，以及几个待发展嘅地盆，所以，入夜都有啲静，人流唔多，而入到餐厅内，亦感觉客人以街坊客居多。室内环境虽然无乜雅致嘅装修，但够晒干净企理，精简平实。
离远走近餐厅时，已晌门口见到佢两个主打火锅嘅灯箱：「黄金芝士鸡煲」及「火焰麻辣鸡煲」，为着前者而来，所以，亳无悬念。其实，原来仲有其他汤底供打边炉选择，例如：香浓猪骨汤、惹味沙嗲汤、四川麻辣汤、粟米蕃茄猪骨汤几款。
啱啱坐低，店员就递上A4大细一页过嘅点餐纸，虽然鸡煲已定，但当然都要先细阅一下有咩选择。火锅配菜由肉类、海河鲜、蔬菜及菌类、内脏、丸类，到粉面，大概60多款食物，此外，仲有酒水。除咗一啲时价嘅海河鲜外，感觉整体定价亦喺平实，有啲配菜仲有全份、半份供选择，非常有弹性，点餐纸右下角更列明4-11月夏季期间免收加一添，赞呀！
黄金芝士鸡煲 $128芝士鸡煲有分大细，大嘅$168，细嘅$128，曾问过店员细煲份量有几多，佢话细嘅有一只嘅份量，而大嘅则有只半，但佢补充一句，为咗客人食得畅快，一啲无肉嘅下栏都会清走晒，但睇落又真喺好足秤，好大锅。鸡件本身已先处理过，所以，送上枱已呈金黄色，芹菜垫底，加上自家调校嘅芝士浆及干葱，待鸡煲再滚起就食得。鸡肉都算嫩滑，配芝士又几OK㖞，啲芝士颇香浓，滑溜唔太杰，但好挂汁，有少少食紧芝士火锅咁，真想揾件法包沾啲芝士食。
清晒啲鸡件，开始加入奶白色嘅上汤打边炉，而配料亦随即送到。由于个鸡煲著实唔少，为免食唔晒而嘥嘢，所以，我哋采取边食边点嘅策略，先嚟一碟特级雪花肥牛、响铃、蜂巢冰豆腐及竹笙，及后唔够先再追加。
特级雪花肥牛 $88（细份）肉类有牛颈脊、牛柳粒、羊肉片……等等，据店员介绍，佢哋啲肉大部份都喺晌附近街市新鲜买。由于同行朋友都唔喺食肉兽，所以，都唔敢点太多肉，只点咗一碟细雪花肥牛，虽然肉质好鲜嫩，但实在偏肥。
响铃 $38一客响铃有10条之多，都只喺卖$38，轻灼数秒，外层吸咗少少汤汁有份软软腍腍，咬落内里仍有些微脆身，豆味唔算好强，属中规中矩嘅水平。
蜂巢冰豆腐 $35豆腐放入汤内，煮透吸满汤汁后，变得烟韧有咬口，口感几得意，真喺唔知边个咁醒谂出依样嘢。其实好多嘢雪过之后，质感及味道都有变，所以，冰豆腐真喺唔可以当食一般豆腐嚟睇！
竹笙 $28雪白嘅竹笙满满放得一碟，卖$28唔知佢毛利有几多。竹笙本身无乜味，但入口爽脆，又好吸汁；最大卖点喺健康有益，促进新陈代谢，降血压，减胆固醇嘛。
秘制鲜虾蟹籽饺 $25（半份）见啲丸类都唔太特别，所以，就不如试试佢嘅秘制鲜虾蟹籽饺，饺子喺自家包制嘅，以鲜虾、蟹籽做馅，味道算唔错，但唔会太有哗一声嘅感觉。
金菇 $28、白菜仔 $15（半份）、生菜 $15（半份）一连几款蔬菜一次过分享，其实，都喺啲晌街市常见嘅种类，不过，街市货色，够新鲜，又靓仔。
饮品几款啤酒、汽水外，仲有奶茶、柠茶添，不过，唔知质素如何，都喺柠7、柠乐（$14）够稳阵，冰底加柠檬，自斟自饮。
最后都俾个笑，不过，正式嚟讲，个笑喺俾个黄金芝士鸡煲；配料方面，只可以俾个OK佢，实在有待改进，诚然服务搭够。当然，我哋只喺试咗三几样嘢，无点试佢啲贵价食材，或许有啲未够全面，但来日方长，咁近我住嘅区域，再帮衬容乜易。
张贴
