freshtea by happylemon (創紀之城五期(apm)) (已結業)

細細個成日都飲happy lemon，宜家出咗好多新嘅台式飲品舖之後都好少去飲。今日咁啱同朋友經過就諗住再試下，睇吓佢係咪同以前一樣咁好飲！叫咗一杯手檸茉莉綠茶同埋芝士黑烏龍茶。綠茶果杯好清新，飲落都有淡淡花香味，加埋鮮青檸，酸酸地，好開胃。另外芝士烏龍茶嘅芝士奶蓋好香濃好滑，同埋份量都幾多佔咗成杯大概三份一。烏龍茶茶味好濃，同芝士味都好夾！呢間飲品舖都追得上潮流，都有買黑糖鮮奶嘅飲品，下次黎一定要試下！😋