夏茶 (已結業)

夏茶成为元朗区我最经常光顾嘅饮料店，最主要系奶盖啱口味，加上茶有茶味，果亦够新鲜。之前关门时间比较早，每次食完晚饭都赶唔切，而家改左营业时间，更加方便除左餐牌恒常产品，不时推出限定系列或者新品，对于限定呢两只字，好多人都冇乜抵抗力，对我亦很凑效。本来想试下新品oreo黑朱鲜奶，但食完烤鱼感觉拣果汁类会较舒服，留待下次。西瓜类有西瓜雪沙、西瓜大满足及芝芝瓜瓜绿三款，定价$26-36。芝芝瓜瓜绿 $36奶盖系出色之作，够稠身有芝味，已经讲过好多次。中间为西瓜汁，之后系青雾茶底。完全唔搅拌直接饮嘅感觉好过瘾，皆因茶底甘浓。入口先有茶味，后有西瓜汁嘅清新，夹杂少量果肉，最后尝到芝士奶盖，层次丰富。我呢几旧西瓜好明显唔算十分之甜，饮料清新解喝。虽然茶同西瓜确实唔算天造地设，不过作为平时好喜欢饮西瓜汁嘅人，都可以多个选择。