東喜茶 (已結業)

做完野行过好口渴，见到贡茶同东喜茶，就试个未试过既东喜茶。🤔本身净系听过个名，唔知出名系边，就上网check左，系我无乜试过既奶盖，所以就叫左个金凤茶王配芝士奶盖($33)。.店员好细心，有教我要打开盖饮，唔好用饮管，打斜饮，就可以混合奶盖同茶。唔似其他连锁店要用饮管，净系饮到茶而无奶盖，或者一开始就要捞埋饮，呢一点要加分！👍🏻👍🏻.一入口，好特别！！😆第一个味觉系奶盖既奶味同芝士既咸味，之后系金凤茶王既茶味，混合埋奶盖，系好香好特别既奶茶配上咸咸地既味觉冲击，好有层次，又好玩又好饮。.原谅我文文笔唔好，真系好难形容有几特别，一定要试过先知😼。饮到一半，奶盖凝固系中间，有啲难同时饮到茶同奶盖，要用力摇一摇佢先可以继续饮。虽然价钱相比起其他饮品连锁店偏高，但质素同新鲜感可以话系完全抵晒！🤗.下次行过一定会再饮，而且仲要试下其他款，因为见人饮𠮶啲颜色好鲜艳丰富，系果味饮品配奶盖，一定会为味觉带黎新既冲击！