影片
更多
2021-06-10
338 浏览
向来都钟意食日本嘢嘅我，一直都好钟意揾一啲居酒屋，希望无论环境或者嘢食都有返左日本嘅感觉。呢间新开幕嘅居酒屋「朝」，开业唔够两个月，以日月为主题，意思系新嘅一日，喺太子嘅大南街，试业期间仲有八折优惠。装修雅致，布置简洁，环境光猛而且干净，几有高级日本居酒屋感觉，门口一幅大石墙上有月亮图案造型，同入面水吧嘅黑色月亮灯、垂吊既发光星星灯饰设计一致，水吧个图案会发光，同佢哋嘅店舖名呼应，夜晚七点半黎到唔算好多人，几适合约埋朋友一齐小酌几杯。系餐牌上见到选择几多，提供沙律、小食、刺身、炸物、唔同肉既烧物、野菜、料理、面、海鲜，饮品除左汽水、乳酸、梳打，仲有居酒屋必有既各式酒。-1️⃣ 朝邪恶玉子烧 💰78（👅: 8.5/10）呢道系餐厅既招牌菜，都系全晚最惊喜既菜色之一，玉子烧呈金黄色，睇落平凡，入口会同时食到鸡蛋同高汤既味。玉子系用日本靓鸡蛋制成，我谂系用左新纪元个种橙红既日本蛋，玉子咬落嫩滑，松软绵密，食落蛋味香浓，会食到蛋既鲜甜味。玉子入面有芝士，用左两种唔同既芝士，有拉丝效果，咸咸地个唔会腻，食落有啲似意大利既blue cheese，重芝士味但无盖过蛋香味。一咸一甜既冲击，配搭得宜，互相辉
向来都钟意食日本嘢嘅我，一直都好钟意揾一啲居酒屋，希望无论环境或者嘢食都有返左日本嘅感觉。
呢间新开幕嘅居酒屋「朝」，开业唔够两个月，以日月为主题，意思系新嘅一日，喺太子嘅大南街，试业期间仲有八折优惠。
装修雅致，布置简洁，环境光猛而且干净，几有高级日本居酒屋感觉，门口一幅大石墙上有月亮图案造型，同入面水吧嘅黑色月亮灯、垂吊既发光星星灯饰设计一致，水吧个图案会发光，同佢哋嘅店舖名呼应，夜晚七点半黎到唔算好多人，几适合约埋朋友一齐小酌几杯。
系餐牌上见到选择几多，提供沙律、小食、刺身、炸物、唔同肉既烧物、野菜、料理、面、海鲜，饮品除左汽水、乳酸、梳打，仲有居酒屋必有既各式酒。
-
1️⃣ 朝邪恶玉子烧 💰78（👅: 8.5/10）
朝邪恶玉子烧
$78
7 浏览
1 赞好
0 留言
呢道系餐厅既招牌菜，都系全晚最惊喜既菜色之一，玉子烧呈金黄色，睇落平凡，入口会同时食到鸡蛋同高汤既味。
玉子系用日本靓鸡蛋制成，我谂系用左新纪元个种橙红既日本蛋，玉子咬落嫩滑，松软绵密，食落蛋味香浓，会食到蛋既鲜甜味。玉子入面有芝士，用左两种唔同既芝士，有拉丝效果，咸咸地个唔会腻，食落有啲似意大利既blue cheese，重芝士味但无盖过蛋香味。一咸一甜既冲击，配搭得宜，互相辉映。如果玉子上碟时再热啲，做到更湿润有更多蛋汁，芝士更多就完美。
-
2️⃣ 烧牛舌 💰48（👅: 8/10）
烧牛舌
$48
4 浏览
1 赞好
0 留言
呢度既牛舌系厚切，有三旧，食落爽口juicy，比较烟韧而唔系入口即化个种，牛味浓，调味用盐同黑椒，正常既配搭，食落算香口，如果肉质可以再嫩啲同调味再重啲会食唔停口。
-
3️⃣ 金箔黑鱼子脆味牛油果沙律批 💰128（👅: 8.5/10）
金箔黑鱼子脆味牛油果沙律批
$128
6 浏览
1 赞好
0 留言
好特别既精致小食，有别于一般日式小食，呢个沙律批有三款味道可以拣，分别系龙虾、蟹肉同带子，三拣二，我觉得龙虾同蟹肉可能会似，所以拣左龙虾同带子。
卖相好似马来西亚菜既金杯，食落都好似，大细系一口可以食得哂。批皮系春卷皮，够薄咬落脆口，食落唔腻，唔会因为上面有好多湿既野而整到腍唒。
龙虾同带子我比较钟意前者，鲜味更出，龙虾沙律调味有咸香，食落开胃，牛油果沙律食落清新，同金箔、黑鱼子、批一齐食，食落口感丰富，入面湿润出面脆口，咸中带鲜甜，齿颊留香，四旧太小了。
-
4️⃣ 薄牛豆腐寿喜烧 💰98（👅: 7.5/10）
薄牛豆腐寿喜烧
$98
7 浏览
1 赞好
0 留言
呢个寿喜烧份量唔小，配料有豆腐、生蛋黄、油扬、冬菇、金菇同娃娃菜，上面仲有食用鲜花，色彩缤纷，食落饱肚。
寿喜烧汤底浓厚香醇，我自己唔系好钟意寿喜烧，有时觉得汤底太甜接受唔到，但今次依个寿喜烧系我接受到，唔会同食材唔夹，甜得黎会挑起食欲。
牛肉上枱时系七成熟，可以点蛋汁黎食，份量都几多，有四至五片。豆腐食落滑，油扬吸汤汁入味，寿喜烧汤底同油扬系绝配，其他食材都好入味，将寿喜烧嘅精华都索唒入去。
-
5️⃣ Daniel虾多士 💰128（👅: 8/10）
Daniel虾多士
$128
19 浏览
1 赞好
0 留言
呢道系餐厅既招牌菜，唔系一般Menu上面，系墙身一块黑板上面嘅厨师推介。
上枱时卖相非常吸引，店员有细心讲解食法，会提供较剪、刀、叉，将虾头同虾尾剪开，将多士同蟹肉中间既虾壳起左就得，但我自己系起走虾壳都费左阵周章，因为虾肉痴实虾壳，上面既辣椒丝店员话可以按个人喜好加，会有小小辣。
呢个虾多士同我平时系中菜食到既唔同，平时既虾多士虾肉原只开边同多士一齐炸，同会有一个甜酸酱点，而呢个唔系虾同多士一齐罗去炸，而且上面有好多平时虾多士无既野。
多士上面系大量蟹肉碎，加上本身既原只虎虾虾肉，虾肉爽弹，食落有咸香，带点鲜味而且仲有好多面包糠，食落香脆惹味。
辣椒丝食落唔算辣，画龙点睛，可以丰富一下味道同口感既层次。多士够厚，食落香脆，不过本身多士既调味唔够，如果可以有好似甜酸酱既调味会更惹味。
-
6️⃣ 酱烧日本饭团 💰38（👅: 8/10）
酱烧日本饭团
$38
5 浏览
1 赞好
0 留言
饭团上枱好吸引，因为已经充满照烧汁嘅颜色。饭团用日本米整，外层烧到带焦香，入边嘅饭够软熟，实净得黎偏湿润，食落香甜，有小小米香。
饭团上面嘅照烧汁够味，食落有酱油咸香同时甜甜地，烧香左之后更加惹味，唔系因为饱饱地可能会叫多一旧。
-
🌟食物卖相靓，摆盘好有心思之余，喺香港日式居酒屋来讲，水准都系中上水平，以人均大概二百几黎讲，系一个唔错嘅选择，平时食开嘅居酒屋都系铜锣湾、尖沙咀多，今次终于揾到间喺近旺角、太子既居酒屋，太子地铁站行去过只系3-4分钟路程。
我系七点半入座，就算食都差唔多九点几十点收舖，员工都唔会话赶收工赶人走，反而见到员工都好似一齐chill，闲时会听住歌咁跳舞，店员都好细心讲解嘢食或者食法嘅介绍，而且见佢哋同食客都有倾有讲，最钟意既系餐厅播放着日本流行歌曲，流行歌曲偏旧但全部都系我中学时期听既热门歌，好似回忆紧以前去日本既时光，系一间唔止嘢食、服务都有水准嘅居酒屋。
新开业优惠全单有9折优惠，而且星期一至三所有饮品都系买一送一，4点半到7点仲有Happy hour优惠，下次如果来会想试其他人系菜式，好似烧鸡泡鱼干、烧宫崎豚肉流心芝士竹轮卷、自家汁烧大葱鸡肉、西京雪鱼烧等，今次眼阔肚窄试唔到咁多。
-
👅味道: 8/10
🍴环境: 7.5/10
💰消费: $250人均 (服务费: 10%)
张贴
