北海道爐端燒 (已結業)

好中意去日式居酒屋，可以同朋友倾计饮野，仲要通常啲食物都好好味。亚士厘道有好多楼上舖，今次走左上去北海道炉端烧。Menu第一页就系不同嘅浜烧海鲜，好吸引呀！叫左北海道什菇帆立贝牛油烧，一人一大只。连埋北海道蟹盖蟹肉蟹膏烧一齐上，店员都好细心咁同我地讲解点样整。蟹肉蟹膏烧本身熟嘅，将鹌春蛋捞匀，烧三四分钟就得。蟹肉好新鲜，烧香咗更加美味。帆立贝就要烧得耐少少，烧完都仲系大大粒，又系好新鲜，好好味。第二样十分瞩目嘅野食系烟肉芝士奶油意大利面。想试咗呢种每一条面条都沾满芝士嘅意粉好耐，即刻叫左一碟，仲加左三文鱼籽。原来巨型芝士轮正正放系我地附近，睇住店员迅速将意粉捞匀，上枱仲嗅到浓浓芝士味。意粉除左有芝士、烟肉，仲有不少虾，再加埋粒粒三文鱼籽，口感更佳。建议大家叫芝士意粉的话要即刻食，唔系冻咗就会凝固变成一旧旧。食咁多肉类，都要食下菜嘅。叫左个黑芝麻烟肉沙律，无谂过系黑芝麻酱，又几特别，沙律菜同蕃茄青瓜都十分清新。黎到居酒屋又点可以无烧物，当然要叫香喷喷嘅明太子鸡翼。胀卜卜嘅鸡翼入面填满馅料，外样皮烧得香脆。明太子又唔会太浓味，整得刚刚好。