芝心糖人街 (已結業)

我呢個芝士愛好者就襯紅日端午節嚟芝心糖人街食個下午茶。當日只開半日，去到剛剛好開門，唔洗等位成為佢地今日第一個食客。點咗漢堡扒龍蝦丸芝士撈麵，芝士魚蛋，紅豆抹茶，都係98蚊本來想試下多人推介既流心蛋白吐司，但需時要30分鐘。之後有多三對情侶入嚟都叫，最後落單對情侶要等個半鐘最衰我唔夠時間等，只好無奈地讓咗俾下一對客人。所以下次去要預鬆動啲既時間先去食，仲要第一時間落咗單先。芝士魚蛋我就推薦呢個芝士魚蛋，賣相好外，最細心係會附上一碟芝士醬，最岩我呢個芝士控。魚蛋口感超彈牙，好爽口，size比街邊魚蛋大2倍，最感動係入面都有芝士心，內外兼備，讚漢堡扒龍蝦丸芝士撈麵芝士撈麵一嚟到，睇到咁多芝士醬就流唒口水但味道有少少失望，芝士味唔夠濃，龍蝦丸同芝士唔太夾。其實舖頭除芝士岀名外仲有甜品。今次就試芝士下午茶先，下次幫襯要試下糖水甜品