芝士冰室 (已結業)

一直都听过有一间民间小店系专食芝士，咁啱我个老友又系好钟意食芝士，不过佢就有啲要求，原因系因为好多店舖话系专食芝士都做唔到应该有嘅水准。所以希望今次唔会令佢失望。芝士咖哩海鲜烩饭咖哩味浓厚，焗饭上枱嘅时候重中之重就系热辣辣😋，饭热味浓再加埋芝士配搭绝对系绝配👍。海洋分量亦唔少，对得住民间小店同街坊。焗四重芝味鲜茄猪扒饭上枱热到出晒烟😳，鲜茄大大旧，茄汁🥫味道浓得嚟又唔会太酸👍。四重芝士唔讲得笑，重芝士味再加大大件厚猪扒，食落啖啖肉😋。招牌流心芝士包依个包真系无得唔试吓，原因系本身点完餐之后就开始听到隔离枱对情侣喺度讲话好好食，嚟得就一定要试。起初都系听完就算，之后再有多对情侣坐低，又系话好好食。都讲到咁，唔试唔得真系😂。唔试唔知，一食就知真系嚟得就要食，因为真系好好食😋👍😋👍，超级热辣辣，包整到外脆内软，重点系啲芝士多到一个点，仲要爆流出嚟😍，认真不得了👍。