茶星人 (富榮花園) (已結業)

中秋节前夕梗系要去油麻地果栏买啲生果同屋企人一齐庆祝啦 买完之后就经过富荣花园嘅呢间茶星人系饮台式饮品嘅铺头 都见几多人帮衬望入厨房明亮干净卫生于是就试下啦叫咗杯芝芝芒芒 加大700ml都系35蚊几抵饮 虽然有几个客人等紧 不过都系五分钟 就有十分迅速 可以打开个盖唔用饮筒咁净系品尝上面嘅芝士奶盖 非常浓沃嘅芝士味 感觉系忌廉装嘅芝士蛋糕 芝士控必试比起其他饮品店嘅奶盖比较厚身 而且真系特浓下面嘅芒果沙冰真系有超多芒果肉 而且劲香甜 沙冰整体唔太甜 成个配搭好夹加咗奇亚籽饮落有粒粒口感又够健康喺同一间舖头买咗个日式丼饭火炙三文鱼饭 包装劲精美 有去咗日本嘅感觉 份量大三文鱼肥美 加埋几款唔同嘅前菜 大满足