影片
更多
2017-09-11
292 浏览
星期日趁放假约左几个朋友过海食饭，本来心情都一般，因为冇带遮出门口，黑仔到爆，淋到湿哂…不过庆幸食左个唔错嘅晚餐，算系弥补少少。呢间餐厅应该系新开冇耐，见食评唔多，估唔到几有水准，环境、服务同食物我个人都俾几高分。呢栋大厦喺渣甸街，之前未黎过，所以都花左少少时间去揾，大厦嘅职员都好有礼餐厅都几大，有唔少位置，装潢色彩丰富，走年轻路线，有一部分卡位，一部系梳化位，而且可能新开张冇耐，唔算好多客，真系坐得舒适。我地拣左窗边嘅卡位，视野广阔啲，可以食得更多（我话嘅！）所有野都好干净企理，希望下次再黎时都一样keep到，我成日食啲连锁韩国野都食到闷了，今日黎到呢度好有新鲜感。呢度嘅食物都有好多选择，定价同一般韩国野差唔多，唔算话好贵，我地人均二百蚊，食到好饱好饱~点完野食之后，店员好快就送上沙律同泡菜，沙律菜好新鲜架，泡菜够酸够辣，好食韩潮春川芝士锅（配韩国面一份）：我地拣左牛仔肉，材料丰富，有主角牛肉、萝卜、年糕、薯仔、什菌、洋葱、翠玉瓜、娃娃菜等，当然唔少得海量芝士，真系正到晕，芝士控不能错过，我一试难忘，虽然啲芝士又肥又邪恶，我都唔理，狂食。本来店员问我地想自己试下炒定佢帮我地炒，我地第
呢间餐厅应该系新开冇耐，见食评唔多，估唔到几有水准，环境、服务同食物我个人都俾几高分。呢栋大厦喺渣甸街，之前未黎过，所以都花左少少时间去揾，大厦嘅职员都好有礼餐厅都几大，有唔少位置，装潢色彩丰富，走年轻路线，有一部分卡位，一部系梳化位，而且可能新开张冇耐，唔算好多客，真系坐得舒适。我地拣左窗边嘅卡位，视野广阔啲，可以食得更多（我话嘅！）所有野都好干净企理，希望下次再黎时都一样keep到，我成日食啲连锁韩国野都食到闷了，今日黎到呢度好有新鲜感。
呢度嘅食物都有好多选择，定价同一般韩国野差唔多，唔算话好贵，我地人均二百蚊，食到好饱好饱~
点完野食之后，店员好快就送上沙律同泡菜，沙律菜好新鲜架，泡菜够酸够辣，好食
韩潮春川芝士锅（配韩国面一份）：我地拣左牛仔肉，材料丰富，有主角牛肉、萝卜、年糕、薯仔、什菌、洋葱、翠玉瓜、娃娃菜等，当然唔少得海量芝士，真系正到晕，芝士控不能错过，我一试难忘，虽然啲芝士又肥又邪恶，我都唔理，狂食。本来店员问我地想自己试下炒定佢帮我地炒，我地第一次食，唔系好知点做，所以佢都好细心，一路帮我地炒一路教我地点做，下次黎到，我地就知了，其实都好简单。加左少少蒜爆香，然后加入牛肉，牛肉份量都唔少，最重要系炒完都好腍，一啲都唔韧，好好食，冇拣错
然后再加年糕，佢地有条状年糕，亦有片状圆形年糕两款，加埋啲辣酱一流，而且够哂烟韧。配菜全部都好入味，而且唔洗惊太辣，可能迁就香港人口味，都调整过，唔系太食得辣嘅朋友都食到。等到芝士半溶状态，就可以捞埋牛或者其他配料一齐食，拉丝效果出众，啱哂我呢啲港女。临尾仲煮埋个韩国面，大满足
辣酱炒年糕 ：呢份味道都唔错呀，虽然要百几蚊，但份量都不少，我地四个人都食唔哂。片状圆形年糕都几烟韧，而目好挂汁，呢份年糕嘅辣度都几足，可能唔食得辣嘅朋友未必啱，有另一款唔辣嘅芝士海鲜焗年糕可能啱食啲。炒年糕酱多，里面仲有啲蚬肉、泡菜
海鲜豆腐汤：韩式汤品一向都系我最爱，拣左豆腐辣汤，配上白饭，味道对办，唔会太辣，食完亦都冇好口渴嘅情况
韩潮炸鸡：炸鸡嘅款式唔多，我地点左一份试下，份量唔少，唔洗一百蚊，其实都几抵食，韩酱嘅味道亦调配得宜，只系鸡件骨多肉少，炸粉厚左啲。
海鲜煎葱饼：铁板上嘅葱饼都唔错呢，煎得几香脆，食到里面有鱿鱼。除左呢款，仲有泡菜饼、芝士海鲜葱饼、马铃薯饼。
饮品方面选择超多，杯杯都好吸引，有果汁、韩式饮品、咖啡、水果茶、沙冰等等，我地点左oreo沙冰、鲜菠萝沙冰、朱古力恐龙（阿华田）、鲜芒果沙冰都唔错，而且$35杯可以接受。整体黎讲，呢间韩国野有下次喔！
张贴
