米走雞Deluxe (已搬遷) 新店位置

最近天气冻，同朋友出街，都系约食鸡煲，已经系第八次嚟铜锣湾依间「米走鸡Deluxe」食佢哋嘅鸡煲，最钟意就系食完佢哋个芝士鸡煲之后，可以Order个免费芝士汤底打边炉。*此餐厅收取加一服务费。小份黄金芝士鸡煲（单点$228），激量芝士，表面铺满Mozzarella Cheese、车打芝士、洋葱，鸡件份量多，肉质嫩滑，配以芝士食用，拉丝效果突出，味道咸香。例牌澳洲和牛M8肩胛肉眼片（单点$118），脂肪分布均匀，食落牛味浓厚。半份豆苗（单点$28），食落好新鲜。半份豆腐（单点$24），口感滑溜，豆香味浓。出前一丁（单点$20），面条口感软硬适中，捞匀之前食鸡煲𢳂起定嘅芝士酱，即刻就可以品尝到芝士捞丁，如果想食翻原来嘅出前一丁，就可以落翻出前一丁调味粉、麻油。酱汤（两人$36），包括有麻酱、芫荽、蒜蓉、指天椒、香葱、炸蒜、豉油。