譚仔雲南米線 (淘大商場2期)

营业中

休息中

呢排成日見到人地試譚仔芝士撈米線，今日諗唔到食咩就入去試下，一入到去，姐姐即刻放低個餐牌順便指住芝士撈米推介話：「呢個生出嫁！試下呀！」烤豬柳芝士泡菜撈米線（$44）可以另外架加$1加辣，最少10小辣，我今次揀左5小，除左面頭淋左芝士汁之外，仲有啲芝士碎所以有少少拉絲既感覺，入口首先係好香既芝士但好淡味，就算撈埋泡菜都覺得唔太濃，更加無咩辣味，説好的啖啖譚仔味呢？驚喜既係烤豬柳幾軟同幾juicy，如果之後變做新配料就好啦！新鮮油菜- 韮菜（$19）補腎潤腸通便既韮菜，有口感又有獨特嘅清香，比起水分為主既生菜同芽菜，食下韮菜覺得更健康！雞汁木耳黑柏葉（$29）超香濃雞汁配木耳同黑柏葉，平時食開既小食都一定係配重口味既麻辣汁，今次食另一種口味好新奇，入口係黑胡椒既惹味辛辣，配上爽口既木耳同黑柏葉，好想食多碟！巨冰凍檸茶（$10跟餐）除左冰係成板上之外，無咩特別。