土司工坊 (青衣城1)

营业中

休息中

芝士鸡扒捞面$64卖相都几靓睇落去好鲜色。呢度嘅捞面酱好搞笑，唔似平时出边啲豉油捞面或者印尼捞面。佢啲捞面酱甜甜地，可能系加咗甜豉油。不过加埋芝士酱之后食落去就怪怪地，又咸又甜咁样。不过如果芝士酱再加鸡扒食嘅话就几好味。因为可能鸡扒炸得比较耐，有一啲干，所以加咗酱之后食落去舒服啲。呢度啲面比较硬或者可能系叫做爽口。但系都有一样好就系佢捞好咗啲酱先会俾啲面俾你，食落去每一条面都掂到啲酱。呢度几好，个餐都会送两条菜俾你。食落去冇咁油腻，又健康啲。啲𩠌同埋面中间加咗啲炸蒜头，令到成个餐好有东南亚风。好立克（+$4）好立克冲得唔马虎，啲粉冇沉晒喺底。杯野嘅size都几大，起码大过平时啲250 mL嘅纸包嘢饮。不过可能因为几大杯所以饮落去有啲淡。