又係冰室 (已結業)

见到门口装修好得意，好有八十年代霓虹光管林立既油尖旺感觉，毅然一试。猪颈肉芝士捞面，个芝士汁好似水咁稀，一d拉丝效果都做唔到！猪颈肉还可以。一个餐跟多士同野饮索价50几蚊，系深水埗算系性价比低。多士有三个口味选择，分别系：咖吔、牛油、花生酱，烤得好脆，唔错。冻柠茶、冻柠蜜无特别，茶底唔系特别香。鸡扒捞丁份量多，鸡扒个皮脆肉嫩。仲有瑞士鸡翼作为加料小食，正正常常。我觉得深水埗已有好多类近冰室，所以无甚特别，真系「下？又系冰室」。