梨花園快餐 (已結業)

假日铜锣湾周围啲餐厅都大排长龙，所以就谂到嚟希慎嘅food court，起码可以叫完嘢食揾位坐住等。行咗一个圈决定食韩式芝士泡菜炒饭配牛肉套餐。套餐系多咗三款前菜，饮品同一小包紫菜，一谂到紫菜可以包住啲泡菜炒饭咁食就二话不说咁叫咗套餐。首先小食嘅泡菜几好食，泡菜腌得好入味，又爽又够酸。芽菜嘅话如果加番啲芝麻同麻油会吸引同惹味多好多，我略嫌味道太淡。最后青瓜，食咗一旧就无再夹过嚟食，因为都系无乜味道而且口感太淋牛肉腌得好入味，非常韩式嘅味道，就好似石头拌饭入面个种腌牛肉咁。但系捞完之后芝士又同啲芽菜痴埋咗一大堆，认真唔识欣赏。泡菜炒饭入边只系有一片泡菜而且无泡菜味….. 非常无奈总括来讲个饭食落只系橙色嘅白饭，绝对称唔上系泡菜炒饭。