鞍山茶座

营业中

休息中

今次又趁亞女去咗上興趣班，又去咗查咗食下午茶。老公今次揀嘅芝士焗肉醬意粉好有驚喜，所以要再寫多一次食評。只係$38 ，以下午茶來講份量其實都OK，佢真係即刻焗，所以上碟嘅時候非常熱辣辣，鋪面嘅芝士好多焗完之後變咗脆皮好好食好香口。茄汁份量剛剛好，味道調得不錯。西多士上次都有讚過，今次都保持返一貫水平。不過杯凍檸茶少甜就有點失色啦，少甜之後都仲係比較甜而且茶味唔係好夠。