鞍山茶座

营业中

休息中

鞍山茶座有室外位置 滿地煙頭及曱甴屍體老闆態度惡劣 入咗機叫咗野食但一見到有狗隻就收返張單話唔做生意 完全冇解釋過 仲西口西面 咁嘅服務態度 真係不了 寵物不能在餐廳室外範圍咪解釋返 或者掛返個牌話禁止犬隻入內囉 唔洗咁嘅態度嘅😄

下晝5點半左右入去想食個下午茶，座底左個待應一擺底兩張下午茶餐牌就問食咩，我睇都未有時間睇，就同佢講話睇一睇先，佢就話收6點催我地快啲落單，然後一直隔喺隔離chur你，咁都算，我好快咁落完單，而啲嘢食一兩個字內都到齊，因為全餐廳得番三枱客，嘢食放低左之後就催我埋左張單先，埋完以為可以安心咁食，但都錯晒，5點50分左右就熄晒全餐廳冷氣加電視，啲待應仲會一直喺附近mark實你黎收碟執枱，務求你唔好阻佢收工，最好笑係喺佢熄晒冷氣之後聽到個待應話有啲焗。最後我快快手食完6點前走人，真係怕留多一分鐘都會比人趕💩餐廳地面好滑唔知係油定水。野食一般，上菜算快，主要因為無客。服務係垃圾，試過嘅唔會再試，未試過嘅就無謂貼錢買難受。

食物同其他一般茶餐廳無分別，之前踩單車經過發現佢有得泊單車，非常方便。近排上網見到食評，寫佢可以帶寵物，係寵物友善餐廳，又有大停車場，但係我想講返比大家聽，我前排專登開車由大西北帶隻小狗去食，但係店員話一定要入籠先至可以，好在我都有帶籠。所以如果大家係諗住帶寵物去馬鞍山茶座食嘢就需要諗清楚喇。唔放出嚟佢哋都畀你一齊食嘅。食物味道又唔係其他食評寫得咁差嘅，我覺得正正常常，都算合理。服務態度呢就可能佢哋始終唔係一間正常嘅茶餐廳啦，佢哋合作社有特別嘅請人原因呀，所以系可以。搞到一下啲員工改善一下的態度嘅，我覺得佢哋並唔係有惡意嘅，但係啲動作就可以再改善好d，例如放低啲食物啊，放低啲價錢牌啊等等，就可以細力小小咯，基本上我都滿意嘅。

叫左早餐，佢地多士賣唒直接冇比到我地。我地同老闆反映，個老闆發哂脾氣落員工度，但係明顯聽係話緊我地，之後佢冇任何表態，應該諗冇左件事唔處理。我地再問多句，佢以極其惡劣嘅態度叫我地算數la。態度真係好差，小弟都係住錦泰以後都唔會食，真心唔建議大家食。

我住喺大水坑，數年前幫襯呢間幾次，簡直難食到嘔，今次因為約了客戶又唔想去大家樂亦都唔想麥當勞，諗住淨係飲杯嘢，都叫做有個好嘅地方坐就算啦。下午茶時間，去到坐低，見到有個下午茶餐炸雞髀薯條，所以又即管試試佢有冇進步，估唔到真係進步咗，唔知係咪廚房定老闆改咗呢？？起碼薯條係即炸，雞髀入到口之餘都叫做好食，炸得金黃夠香脆，所以對佢改觀，要來寫食評，希望佢以後更加進步，咁我作為街坊都會再幫襯佢。

是日，一家入出門遊車河，就決定於出發前先吃飽飽。為了方便泊車，也為了順路，我們選中了這一間附設停車場既《鞍山茶座》食一個簡單的家庭午餐。可愛的獨立屋，以馬鞍山礦場同馬鞍山既社區發展為主題...仲有一小時免費的停車場。主題就吸引啦，且看看多年沒來，食物水準有沒有變化。咸魚雞粒炒飯。一來到就聞得出濃濃的咨魚香味。用翠玉瓜來代替菜，感覺很是新奇。入口的味道不會太濃及太咸，但炒飯散發出陣陣的咸魚香，就份外地吸引。豬扒蛋撈公。大大份肉，大大片豬扒，對準備發育的小兒來說，是神一般的美食啊。豉油皇豬扒，除在有豬肉香之外，也有濃厚的豉油香。配合流心的煎雞蛋同煮到剛熟的公仔麵，很 Hong Kong Style 也夠好食。羅漢齋炒麵，用料有荀，菜心，雜菇加粟米蘿蔔等等。汁既份量是剛剛好的，保持到麵餅香脆，就算沾了少少汁，都保持到脆脆地的口感，是夠鑊氣、夠水準之作。天氣熱，而且我國打後的行程，是戶外的行程，所以，大家都點了凍飲。凍檸茶同凍奶茶都令我們感覺到開心。首先，真是夠晒凍；其次，茶味濃而入口有香滑感。集合了這兩、三點，得出既結論就是，好茶。食物幾好，係阿姐們太忙，要叫好幾次才來。服務是街坊式，有點點

我系錦泰附近返工，甘梗系歎個早餐先返工啦!有日發現依間餐廳可以睇到車免抄牌，甘米入去試下咯，發覺早餐款式不多，公仔面，通粉，米粉也試食過，但發覺只有通粉系勉強可以入口，佢d公仔面都不知用咩牌子超難食，有日試佢 d 米粉，米粉仲難食，我真系從未食過甘難食既米粉，也不知佢用乜牌子既米粉?佢老闆選食材入貨究竟有冇自己去試下呢?吾該檢討下啦👎👎👎👎👎👎👎👎👎👎👎👎👎👎👎👎

直入重點，中午叫咗一個豬手蘿蔔飯，蘿蔔得幾舊好細舊，豬手有好多舊，但得啲骨同肥膏，完全冇肉食，食完係唔夠飽，重點係同個職員講，佢話：係啊，然後就行開左，我黑人問號。同埋放餐具既櫃桶有啲污穢，唯一係坐得都算舒服夠闊落。呢間野冇下次。

放假最好不過就係起身輕輕鬆鬆歎個早餐.....今朝早起身，喺屋企附近散步，然後搵間茶餐廳食早餐，依間第一次試，估唔到都相當不俗。 Full set 早餐，有炒蛋午餐肉，依度d雞蛋好有蛋香，再加上扎肉辣肉醬米粉，米粉是新竹米，好爽滑。老公叫左個沙爹牛肉公仔面，面質軟硬度適中, 沙爹味濃，牛肉都軟滑。

週末揸住架車四圍去搵個靜靜地嘅地方食個下午茶剛好經過馬鞍山鞍山茶座佢哋仲有免費泊車我就馬上停低架車入去試下順便休息下如果以環境嚟計外面有個海旁容易停到車 附近亦都冇乜嘢 幾寧靜坐低消磨時間幾好不過食物就有好大嘅進步空間我叫咗個豉油王炒蝦燒炒麵得一個字鹹除咗鹹我食唔到任何嘅味道之後叫咗個西多普通嘅西多 賣相一般味道一般整體來說呢個地方食物有無限嘅進步空間但係如果去到郊外用嚟消磨時間叫罐可樂坐下 不失為一個好地方

今日要約有幾個朋友去傾嘢, 就揀咗呢間睇落幾闊落既鞍山茶座. 我地揀咗張大枱坐.阿姐都幾好禮貌,  耐心等我地幾個點嘢食.我地叫咗: 蔥油厚切豬扒蛋飯菠蘿海鮮炒飯沙嗲肉片炒河.試吓茶餐廳D基本嘢.唔洗10分鐘內已齊晒所叫食物, 好快手做起喎!呢個蔥油厚切豬扒蛋飯, 堅厚切! 真係唔止1cm! 食落肉感很好! 一D都唔梅! 質素超高! 加上 蔥油, 飯香! 仲要成兩隻蛋! 食完十分滿足!朋友叫既菠蘿海鮮炒飯, 勁大碟! 有蝦、菠蘿、魷魚、蟹柳,  粒粒飯香! 碟炒飯一上枱已好吸引, 仲要咁大碟同足料, 廚房有料到喎!再另外既朋友叫沙茶肉片炒河, 又係OK wor! 沙茶係好香既沙嗲, 河粉係幼條, 炒得唔會肥膩, 條條爽滑! 食落新鮮既肉片, 再上少少芝麻係上面, 成件事CP值好高! 店內環境有關於馬鞍山歷史既相望吓, 唔講真係唔知馬鞍山以前係咁有趣!一般社企餐廳質素都係麻麻, 但呢間鞍山茶座社企CP值超高!  堅得! 以後開飯唔洗煩啦!

星期日一定要出街食個飯先安落, 平時行過錦泰商場瞄到佢後面有個鞍山茶座, 好似幾有馬鞍山地區風味, 就去試一試.原來係社企, 而且間餐廳都起咗好幾年. 一入去地方都好大, 闊落, 唔洗等, 唔洗好似隔鄰D餐廳咁細細間, 唔洗同人迫.枱上既餐牌好多種類, 隨口問侍應有乜推介, 侍應就推介今日醒目(午餐) 泰式青咖喱牛腩飯.都好快就有得食了, 碗牛腩上既檸檬好大塊, 望落好似好好味. 牛腩入口好林, 唔靭, 仲有舊牛坑腩, 泰式BB青茄子好爽口, 平時唔食配菜既, 今次要食埋. 個汁底都好有泰國既味道!

街坊介紹, 社企餐廳, 好似幾得意, 落黎試吓. 一入去量體溫, 環境闊落, 唔怕要1.5米距離.坐在近窗位置, 今日個天又好好, 坐好幾舒服.呢排食得肉多, 試個羅漢齊炒麵,呢個羅漢齊炒麵, 5-10分鐘內已上到菜, 非常大碟, 第一啖先試豆腐卜, 無雪藏味, 唔乾身, 軟硬適中, 裡面雪白, 證明新鮮! 其他材料非常足! 鮮菇、 筍、木耳、炸腐竹,  食得出材料係乾淨新鮮! 個炒麵亦脆度適中, 唔肥膩 感覺健康!呢柸黑白奶紅豆冰亦OK, 紅豆係一粒粒, 唔係沙, 絶對可以一粒粒"筆"黎食!性價比超高的社企餐廳, 值得做佢長期捧場客!埋單$66, 性價比超高!    

今日home office，同幾個朋友係附近搵茶餐廳食個晏, 比我發現曉峰灣畔對面零零舍舍有座餐廳, 見佢係社企, 又見室內幾寬敞, 就行去食吓.我地分別叫咗台式櫻花肉燥炒飯(今日lunch set)、泰式炒河、雞脾沙律.... 佢地上菜都好快~ 唔洗點等~!首先台式櫻花肉燥炒飯都好大碟, 賣相都好靚! 個飯炒得好, 個肉燥同D飯好入味~炒到粒粒飯香!然後個泰式香葉炒河好正~ 唔會好辣, 好香, 上碟又係大碟足料! 起碼5隻蝦! feel到成件事好新鮮~!呢個炸雞脾沙律好驚喜~ 炸雞脾上有芝麻一齊炸, 令雞脾更香, 亦唔油膩~!總括呢間鞍山茶座係社企中好有heart既茶餐廳! 食物價質高, D阿姐都好Nice, 性價比非常高! 阿姐話係呢區行山人士同踩單車既人都好喜歡幫襯佢~! 又係既, 食物質素咁高, 黎得馬鞍山係就支持吓~

今次又趁亞女去咗上興趣班，又去咗查咗食下午茶。老公今次揀嘅芝士焗肉醬意粉好有驚喜，所以要再寫多一次食評。只係$38 ，以下午茶來講份量其實都OK，佢真係即刻焗，所以上碟嘅時候非常熱辣辣，鋪面嘅芝士好多焗完之後變咗脆皮好好食好香口。茄汁份量剛剛好，味道調得不錯。西多士上次都有讚過，今次都保持返一貫水平。不過杯凍檸茶少甜就有點失色啦，少甜之後都仲係比較甜而且茶味唔係好夠。