餃子縣餃子專門店 (已結業)

行开旺角唔知食乜好，见到呢间几多人，就坐低试吓。首先要大赞呢度呢招牌嘅芝士冰花煎饺，即煎好嘅皮外皮香脆，馅料饱满，芝士味甚浓，系可以充斥整个口腔，好满足，而眼见几乎每枱客人都有点煎饺，可想而之受欢迎程度甚高，所以呢个系必点嘅。羊肉饺我就选择重庆酸辣汤底，羊肉馅里多配料，鲜味多汁，相比之下具有另一番风味。陈醋木耳，开头仲以为陈醋会好酸，原来都唔会，质感同味道不过不失。拍青瓜，必点小食，爽脆又健康。醉鸡翼，花雕味虽然无咁重，但肉质都鲜嫩入味。上海酸辣汤面大大碗，味道同材料都非常丰富，饱肚之选，所以整体性价比极高。真正做到平靓正既餐厅已经好难揾到，仲要坐落于旺角闹巿中，难怪有咁多人热捧，由于本身嘅我好都好食饺，所以自然感觉得到。