影片
更多
2019-01-15
255 浏览
今日又攰又冻，唔想走去咁远食饭，近近地喺屋企附近嘅吉野家打个甂炉就最正！！喺正地铁站上盖嘅汇景商场，所以真系超级多人，好在老公一早去到，揾定位等我。原先仲谂住好快有得食，点知个炉滚得超慢，慢到嘅程度系老公成大碗牛肉饭食完，而我个边炉都仲未滚。。。喺漫长嘅等待之间，我已经就快饿死。不过确实唔想死喺个咁污糟嘅环境度绝对冇老屈佢，唔系得一两个樽，一两件垃圾喺地下咁简单，基本上地下好多垃圾同杂物。因为执枱嘅员工次次都只系执台就算，地下有任何嘢都唔会执，而且应该冇人特登扫地？？开咗成日铺的确好难地下冇杂物或者冇垃圾讲咗咁耐，个窝终于滚了！！！真感动我不用饿死（点解我咁得闲打文就系因为我仲未有得食）其实食物绝对就无问题嘅，连锁快餐店通常都唔会差得去边。正常嘅质素，大概你同我都大约知系点，我就唔喺度多写了。食完啲菜，芝士竹轮同埋其他配料又系时候落鸡同乌冬，但系见到个火咁我真系想喊，究竟呢餐饭要食到几点呢？？终于顶唔顺叫咗个年纪大小小嘅姐姐嚟帮系换炉，因为我已经食紧食咗一个钟唔换由自可，一换先知点解个锅烧极都唔会滚。原来系因为头先个肥哥哥帮我就咁点著个棉心就算，都冇将个棉心翻开，所以啲火集中烧唔够氧气
喺正地铁站上盖嘅汇景商场，
所以真系超级多人，好在老公一早去到，揾定位等我。
原先仲谂住好快有得食，点知个炉滚得超慢，慢到嘅程度系老公成大碗牛肉饭食完，而我个边炉都仲未滚。。。
喺漫长嘅等待之间，我已经就快饿死。不过确实唔想死喺个咁污糟嘅环境度
绝对冇老屈佢，唔系得一两个樽，一两件垃圾喺地下咁简单，基本上地下好多垃圾同杂物。
因为执枱嘅员工次次都只系执台就算，地下有任何嘢都唔会执，而且应该冇人特登扫地？？开咗成日铺的确好难地下冇杂物或者冇垃圾
讲咗咁耐，个窝终于滚了！！！真感动我不用饿死（点解我咁得闲打文就系因为我仲未有得食）其实食物绝对就无问题嘅，连锁快餐店通常都唔会差得去边。正常嘅质素，大概你同我都大约知系点，我就唔喺度多写了。
食完啲菜，芝士竹轮同埋其他配料又系时候落鸡同乌冬，但系见到个火咁我真系想喊，究竟呢餐饭要食到几点呢？？
终于顶唔顺叫咗个年纪大小小嘅姐姐嚟帮系换炉，因为我已经食紧食咗一个钟
唔换由自可，一换先知点解个锅烧极都唔会滚。原来系因为头先个肥哥哥帮我就咁点著个棉心就算，都冇将个棉心翻开，所以啲火集中烧唔够氧气，个火咪似有若无！！！
有相为证，阿姐帮我将个棉芯翻开之后个火即刻烧到冚冚声！🔥🔥🔥
我个锅终于识滚啦！我都觉得自己好犀利，点解可以个几钟先叫人换，早啲出声早啲发现原因就唔使等咁耐啰。
嗱嗱声渌埋头先未落嘅鸡肉同埋乌冬，快快脆食完即走，成餐饭我食咗两个钟，真系食个放题都得喇！！
总结：其实食物完全冇问题，不过环境卫生同埋员工质素就好有问题！！
打边炉少不免中途要加汤，唔同其他分店可以叫侍应生来帮忙，因为基本上除咗有枱要执嘅时候之外你系唔会见到佢哋。
冇法啦，畀少少钱，唔通想要皇帝式享受咩？！实行自己汤底自己加！！
不过sorry 吖，即使你肯自己行出去揾个汤底，都只会发现几个吉咗嘅汤底樽，同紧企埋一边吹紧水嘅员工，结果又系要你开口佢先会装返落去个樽度，然后你自己行返埋去自己加。
今时今日咁嘅服务态度，真系得？？
张贴
