達人包車 (已結業)

今日同朋友嚟到达人包车嘅铜锣湾分店食晚餐，7点半到达时个场都几full下，但好彩唔洗等都可以入座，餐厅几宽敞，装修有点怀旧feel，头顶挂住一串串嘅灯泡几特别。入坐后侍应就为我地送上前菜，分别有腌萝卜，粟米沙律同泡菜，前菜味道都唔错，可惜沙律唔够冻。食物方面都几多款式，最后我地嗌咗芝士排骨，芝士鸡蛋卷同2杯饮品。芒果汁饮料味道偏甜，芒果味都算浓郁。相比之下朋友果杯青色柠檬果汁饮料比较好饮，酸酸甜甜几解渴，而且清澈嘅蓝色望落好靓芝士排骨有5,6,7,8件可以选择，我地2个就嗌咗5件，其实5件都好够了，因为除咗排骨仲有年糕，肠仔，紫菜饭团，车厘茄。炉边有2格芝士，当芝士开始溶化时，就会有位高大嘅oppa过嚟帮你整芝士排骨，oppa用筷子撩起半溶嘅芝士，再卷上排骨上面。排骨腌得入味，辣辣地，肉质好腍身，不足之处系芝士味唔够浓郁，但中意食芝士既都ok嘅。之后我同朋友都试下自己整芝士排骨，睇oppa整好似好简单咁，原来都唔易，另外年糕几好味，好烟un，吸收咗韩式辣酱嘅年糕，食落好惹味之后上枱嘅芝士鸡蛋卷吓咗我同朋友一跳，因为好大份，total有8件，每件仲要成件cake咁大，鸡蛋卷上面唧上沙律酱