湯•米 (已結業)

今日天气凉凉地，突然好想烚下烚下，咁啱比我揾到呢度有一人一锅，openrice 订位仲有折。虽然位置比较隔汲，但估唔到都有唔少人揾到黎食。✨火锅配料可以追加，仲有小食， 饮品。✨芝士四季春（$33/左）：超大杯，面头芝士质感好滑好轻盈，咸香得黎唔会觉得腻。茶味好清香，叫左半糖走冰，甜度啱啱好。✨芝士茶茶八号（$34/右）： 对比之下，呢个茶味更加香，必叫👍🏻✨佢个豉油系甜既，几好味，加埋蒜蓉同沙茶酱劲香同劲惹味✨台湾夜市小香肠（$29): 系台湾既味道，个肠好juicy, 外皮又带小小脆，好食。✨日式味噌锅（$91): 唔食辣，所以同男友叫左相同款，唔使争xD 第一次用味噌汤打边炉都唔错，佢仲跟白饭/粉丝。✨豚肉有成4,5块超大块，点埋酱汁好好食。仲有滑豆腐，鲜东菇，金菇，蚬，鸡蛋，南瓜，枝竹，粟米，云耳，豆角。✨娃娃菜超多，仲有好耐未食过既鹌鹑蛋。✨不过如果要我追加，我觉得呢个炸薯仔系几特别。✨男友既粉丝睇落好似好少，但发胀左都几多，仲好入味。最后杯茶都饮唔晒，实在系太大杯，超饱超满足。