影片
更多
2011-05-21
17 浏览
日前见到朋友G面书上一个芝士蛋糕，半夜三更睇到真系口水都流，于是决定要在假日朝圣呢间过江龙甜品！虽然刚碰上百货公司半年一度感谢周，超市被万千师奶塞到水泄不通，亦无损我嘅雅兴继续勇往直前... La Balance Ginz在日本银座、福冈均有分店，而在祟光百货内分店就系香港第一间。据知靓仔主理人山本诚儿师傅，曾代表日本参加比利时Mandarine Napolean Millennium World Cup甜品赛，更加夺得世界冠军，来头绝对不少，而香港分店目前就只系主打系芝士牛奶蛋糕同埋秘方炮制嘅软雪糕。大家还记得伊藤家吗？早年日式芝士蛋糕曾经疯魔一时，依家可能大家早已将佢忘记，今日La Balance Ginza再次将味道带返香港。香浓嘅北海道3.6牛奶加埋法国芝士做成蛋糕，每个约370克重，盛惠$78，价钱方面都算抵食。不过咁大个芝士蛋糕真系几难食得晒，好彩呢度仲有将蛋糕切成细件混入软雪糕，加上酱汁，应该可以吸引到中意新尝试嘅香港人。蛋糕入口奶味极重，芝士味相对唔算浓郁，质感挺得黎都几够滑，而杯装雪糕中只有六份一件蛋糕，如果食过中意就可以原个买返屋企慢慢食。软雪糕方面，据知系经由秘方
La Balance Ginz在日本银座、福冈均有分店，而在祟光百货内分店就系香港第一间。据知靓仔主理人山本诚儿师傅，曾代表日本参加比利时Mandarine Napolean Millennium World Cup甜品赛，更加夺得世界冠军，来头绝对不少，而香港分店目前就只系主打系芝士牛奶蛋糕同埋秘方炮制嘅软雪糕。
大家还记得伊藤家吗？早年日式芝士蛋糕曾经疯魔一时，依家可能大家早已将佢忘记，今日La Balance Ginza再次将味道带返香港。香浓嘅北海道3.6牛奶加埋法国芝士做成蛋糕，每个约370克重，盛惠$78，价钱方面都算抵食。不过咁大个芝士蛋糕真系几难食得晒，好彩呢度仲有将蛋糕切成细件混入软雪糕，加上酱汁，应该可以吸引到中意新尝试嘅香港人。
蛋糕入口奶味极重，芝士味相对唔算浓郁，质感挺得黎都几够滑，而杯装雪糕中只有六份一件蛋糕，如果食过中意就可以原个买返屋企慢慢食。软雪糕方面，据知系经由秘方炮制，即系咩方法我地完全唔可能知，唯一知道原材料系用上北海道3.6牛奶，食落无菓匠茶屋果种浓烈奶香，但胜在质感软滑程度出色，好味！
雪糕上酱汁有四款选择（士多啤梨，吉士，芒果及朱古力），今次选嘅士多啤梨酱内有新鲜果粒，食落唔太甜，果味清新怡人，混上蛋糕雪糕非常好食。$35一杯唔算昂贵，炎炎夏日又唔想成日食Froyo的话，呢个用黎解暑都唔错架！张贴
