自助燒 SO GRILL (已結業)

由于有亲戚住上水，每月总会来上水几趟。之前都留意到商场有间韩烧自助餐，礼拜六日都几多人，最近终于有机会一试。店员大力推介我地食六色铁板，听说是新推出，食完仲可以换返网烧。呢款铁板我只在Facebook见过人食过类似嘅但我自己冇食过，既然一场嚟到就试下啦！本身佢地系网烧，睇住佢地帮我地个炉换配件觉得好有趣XD铁板有6格，中间煎嘢，外面分别放蛋浆、芝士、黑椒汁、咖哩、蕃茄汁。趁块铁板未热，我地出咗去攞嘢食。肉类选择都多，其他熟食、小菜都几好味，而且甜品都唔少，仲有棉花糖机，不过好甜冇试。个蛋好快就煎好，厚厚的好似日式煎蛋，入面有泡菜，松软得嚟有咬口。食完蛋就食烧肉。中间烧肉位置有点小，一次烧得唔系好多。肉烧好之后可以拣蘸芝士，或者3款酱汁。3款酱汁烧到滚热，可以夹返唔同嘅肉类。另外芝士融咗会拉丝，入面有粟米，我地除咗蘸肉仲有嚟蘸炸嘢～我地仲叫多咗个芝士炒饭玩下，用中间铁板炒白饭加芝士加泡菜～玩完铁板，店员帮我地个炉换返做网继续烧，铁板烧似煎，火烧又另一种感觉（而且仲热气），仲食埋甜品，食到超饱，好满足～