薩莉亞意式餐廳 (新都城大廈) (已結業)

今日自己一个去食饭，拣咗出名平靓正嘅萨利亚。下午两点嘅时候人流唔多，唔使等位，如果系平时午餐或者晚餐时间，等一个钟都未必有得食。。。自己一个唔想食咁多，就要左一个芝士虾焗长通管意粉，系第一次要呢款。之前有出过芝士吞拿鱼焗长通粉，但后尾又消失左一排，而家又出返类似！但我就觉得焗得过干，酱汁分布唔均匀！萨莉亚嘅白汁奶油香好重，配长通管意粉都好好食，但其实呢个又唔系焗到好干，面头嘅芝士系焗啱啱好，应该系酱汁太少搞到通粉都焗硬晒！