半熟工房 (已結業)

之前半熟蛋糕系香港兴左一排，呢排热潮又好似过左咁啦，不过都无减香港人对日文芝士蛋糕嘅热爱。前排有杂志介绍半熟工房又新出嘅雪糕，本身已经好想试，但系耐何唔系每一间都有雪糕卖今次同屋企人行完隔离场嘅宜家家私之后就去左愉景新城，行行下见到有间半熟工房竟然有雪糕卖，紧系要买黎试下啦！芝士雪糕本身已经好少有，仲要见到佢哋现场有焗炉系到整嘅，新鲜嘅野唔好食都有限啦！想叫个牛角酥雪糕，但系我去到已经系4点几，佢话已经卖晒啦，如果想食嘅朋友就可能要早啲到！我叫左个芝士软雪糕朱古力挞（＄42），芝士系法国芝士黎嘅，以雪糕当然就用佢哋嘅卖座北海道牛乳啦！食落唔会太甜，芝士味系淡淡地嘅，唔会好dominant，同牛奶味好夹！放系雪糕上面嘅brownies就不过不失，始终唔系主打野，所以都唔会期望有惊喜，哈哈！反以朱古力挞好重嘅朱古力味，唔会喺硬都食唔到个种。