Angry Oppa Restaurant & Bar (已結業)

呢间餐厅细细地，坐底都几舒适，电视仲会播啲韩国节目几有feel架。见到menu上面都算多选择。有几款类型嘅pizza、锅物、煎饼、便当、小食。海鲜汤锅$99🤗抵到烂，我相信系尖沙咀好难再揾到第二间99蚊而且有质素有鲜味嘅汤锅。好多料，海鲜有青口、蚬、虾，配上菇菇蔬菜，令汤底够晒鲜味🤩。海鲜韭菜煎饼$168正宗韩式煎饼👍🏻金黄色嘅煎饼薄薄，偏偏食落口感丰富，里面有虾、鱿鱼同韭菜，点啲辣椒豉油更加惹味，食到唔停！☺️韩式酱牛肉薯泥比萨批🍕$188食左呢个批，不枉此行，唔好睇个批咁细个毫不起眼，甜甜酸酸嘅韩式酱味道几特别，配牛肉薯泥好夹，好开胃，再加上表面仲厚过我面皮嘅芝士层😁咬落去香浓芝士烟韧而又实在嘅口感，令人一试难忘。🤤唯一嘅美中不足，如果牛肉可以再多啲就好。