Classified (荷李活道) (已結業)

某个星期六，同黎旅行既内地朋友逛苏豪区，下午茶时间经过Classified，就入黎抖下。以前系港岛上堂，有时都几中意过黎食佢既薯条。估唔到短短几年间，已经发展到有多间分店。叫左两杯Cappuccino，水准正常，奶泡够滑够稠密。我其实未食午餐，朋友又系芝士控，就叫左个Three Cheeses Macaroni。呢个简直系世间上最邪恶之物。面层系焗到好香脆既芝士碎，热辣辣咁上枱，一拉起芝士再放入口果下既满足感，完全掩盖晒所有罪恶感。芝士味唔会太浓，不过偏杰身。通心粉本身无乜味，所以要捞混啲芝士一齐食。两个女仔，一黎已经食左半碟，饱到上心口，真系好好味。不过建议大家一定要衬热食。我地挂住倾计，慢慢食，但道菜一冻左，就唔系咁好味喇。