梨滿園韓國料理 (已結業)

今日同朋友放工行旺角，咁啱大家都想食韩国野，行经Deli，发现呢间韩国餐厅，所以上左去食。见到呢个新出嘅放题餐，真系好抵！120分钟任食韩式拉丝芝士鸡，重有拉丝芝士紫菜卷蛋同寿司，非常之抵食。呢个放题餐只系要$138，单叫都唔止呢个价钱啦～韩式拉丝芝士鸡🐤啲鸡腌得好入味，唔叫好大旧，包埋芝士可以一啖一旧。重要芝士有好多，可以落力包，虽然邪恶，但滋味！韩国寿司食韩国嘢点少得韩国寿司，材料都好丰富，有爽口腌左咗嘅白萝卜、青瓜、厚煎蛋、猪肉同红萝卜，味道唔错。拉丝芝士菜卷蛋🧀呢个卷蛋，同出边韩国餐厅整嘅好唔同，中间重有紫菜同埋可以拉得劲长嘅芝士，好特别，口感又丰富！雪浓汤🐮因为朋友想试多款食物，所以我地单叫咗一个雪浓汤。呢个汤有香浓嘅牛骨汤，重有好多牛肉片同粉丝，好好送饭。我地重叫咗蜂蜜柚子茶同蜂蜜生姜茶饮，好滋润，唔系好甜。