滾喜火鍋專門店 (已結業)

天气转凉，又系时候食鸡煲，加埋任食边炉就最正。好食嘅鸡煲火锅散叫唔会平，依间「滚喜」任食都只系二百几蚊，试得过。餐厅位置系女人街，地铺，易揾。我地订枱订7:15pm，有卡位坐，够晒阔。任食火锅有三种价钱，我地拣左高级安格斯牛小排同美国桶蚝，$278一位都唔算好贵。叫左三重芝士鸡煲，芝士和🐔溶埋一炉，太正🤤。芝士鸡唔会太咸、太稀，啱啱好。鸡肉嫩滑，鸡皮又唔肥，好好食。小食有邪恶嘅咸蛋炸鱼皮，可惜唔够脆，味道好咸香。主角高级安格斯牛小排脂肪分布均匀，入口够嫩滑，连奄尖嘅男朋友都赞好。美国桶蚝好大只，滚完后keep住肥美身型，啖啖肉。虾饺同水饺都好食，仲有打边炉最爱食嘅皇帝菜都够新鲜。侍应嘅服务态度好，经常面带笑容，执枱都执得好快。