鹿角巷

营业中

休息中

继上次试过佢嘅招牌鹿丸鲜奶，我话过要继续试吓佢其他嘅饮品。今日咁啱又要去尖沙咀，于是特登行去呢度买嘢饮。睇咗一阵个Menu都唔知饮乜好，冇乜特别嘢吸睛，于是照旧叫返招牌鹿丸鲜奶，比完钱之后发现原来墙上贴左两款期间限定嘅饮品，于是我立即问收银员可唔可以改，佢真好好，肯俾我改，所以我最后叫咗鹿丸滑捋捋。芝士雪绒嘅饮品首先系要第一啖饮下啲芝士同埋红茶，之后再搅匀啲珍珠一齐饮。芝士雪绒同平时𠮶啲芝士奶盖有啲唔同，呢个比较滑同埋口感薄身啲，所以饮起嚟冇咁腻同滞，红茶嘅茶味都好香浓，搅匀之后我发现啲冰都差不多溶晒，但系杯饮品都keep到冻嘅，我最钟意咁样因为唔会沟淡晒，总括嚟讲都系值得一试。