影片
更多
2017-04-27
1587 浏览
其实我系一个好重视早餐嘅人，返工无论去边区都宁愿早半个钟到食个靓早餐兼睇阵报纸先返工，谂落都几老饼下荔枝角区都几多茶餐厅，正是花多眼乱，这间食早餐系比较深刻的，最吸引我嘅系呢个芝士面餐，平时转辛辣面或芝士面最少加$5，这个餐接近一般早餐价，虽然对我嚟讲，超过30蚊嘅早餐都系贵，但面对现实，荔枝角食早餐，真系个个挨近30蚊咁滞。讲返呢个芝士面早餐能够咁嘅价钱，我估应该系个面只有火腿丝做𩠌，而另外拣的二样𩠌就跟埋个奶油猪一齐上，呀，唔系一个，系半个奶油猪至真，就先讲呢个奶油猪，啲奶多到呢，要我次次叫少奶，但仍然好多，最怕流左落煎双蛋上面，今次又系咁。不过半个奶油猪就要睇下你被分配到上半定下半，上半就脆啲，不过呢啲口味嘅嘢都系见仁见智，而个煎双蛋无咩特别，不过起码系热嘅。咖啡我次次叫少奶，都唔错，饮得出茶餐厅的味道，反而我唔钟意依家有啲啲茶餐厅用所谓嘅即磨咖啡。主角(我认为) 芝士面最正，面身够爽口，汤够浓，好明显系叫要煮，因为我一话要芝士面餐，个伙记咩其他嘢都未落，就会call walki同厨房讲：「6号枱，一次芝士面」，然后先落其他嘢，咁样个面就会同其他嘢差唔多时间到，几细心。食饱早餐，
荔枝角区都几多茶餐厅，正是花多眼乱，这间食早餐系比较深刻的，最吸引我嘅系呢个芝士面餐，平时转辛辣面或芝士面最少加$5，这个餐接近一般早餐价，虽然对我嚟讲，超过30蚊嘅早餐都系贵，但面对现实，荔枝角食早餐，真系个个挨近30蚊咁滞。
讲返呢个芝士面早餐能够咁嘅价钱，我估应该系个面只有火腿丝做𩠌，而另外拣的二样𩠌就跟埋个奶油猪一齐上，呀，唔系一个，系半个奶油猪至真，就先讲呢个奶油猪，啲奶多到呢，要我次次叫少奶，但仍然好多，最怕流左落煎双蛋上面，今次又系咁。不过半个奶油猪就要睇下你被分配到上半定下半，上半就脆啲，不过呢啲口味嘅嘢都系见仁见智，而个煎双蛋无咩特别，不过起码系热嘅。咖啡我次次叫少奶，都唔错，饮得出茶餐厅的味道，反而我唔钟意依家有啲啲茶餐厅用所谓嘅即磨咖啡。
主角(我认为) 芝士面最正，面身够爽口，汤够浓，好明显系叫要煮，因为我一话要芝士面餐，个伙记咩其他嘢都未落，就会call walki同厨房讲：「6号枱，一次芝士面」，然后先落其他嘢，咁样个面就会同其他嘢差唔多时间到，几细心。
食饱早餐，叹饱报纸，返工去也。
写呢篇食评时，已成个星期无食过芝士面做早餐，明天又系时候去揾佢了。
张贴
