新記芝士麵茶餐廳 (已搬遷) 新店位置

睇过电视介绍后特登去揾新记试吓芝士面，爱芝士汁嘅朋友不妨试吓。 茶餐厅形式，除芝士面外仲有多款面饭选择，不过入去帮趁嘅都系食芝士面为主。 芝士面既芝士汁捞即食面，可选唔同食物配搭。猪扒煎蛋芝士面: 芝士汁杰身唔算太浓有淡淡芝士味，我睇到厨房里面师傅将片装芝士加入白汁内调味，猪扒带骨较薄身腌过再煎炸有D干，煎蛋系太阳蛋，原先谂住蛋汁捞埋芝士汁会好滋味，可惜蛋黄浅色唔够蛋味，整体都好特别几好味，都几漏。鸡翼、芝士丸： 芝士丸唔可以加落芝士面叫，唯有散叫啦不过唔想食太多粒所以叫咗拼鸡翼小食。 芝士丸系平时打边炉𠮶只炸过再淋上芝士汁，丸入面D芝士溶晒里里外外都芝士当然好味啦。 至于鸡翼系一个惊喜估唔到咁好味，鸡中翼系细size见表面有姜同蒜蓉就知经过调味腌过好入味，最特别系将鸡中翼打横切开，炸到表面脆卜卜，而size刚好一旧一啖又易将骨头吐出，赞！我一个人食晒两样嘢，确实好漏好吃力！ 下次唔会叫晒全部芝士喇。