竹園海鮮飯店 (已結業)

一行四人，好怕要等好耐，所以一早订好枱，但去到都要等一阵先入座。好彩有一早订位，晚市时间坐到八九成满。无订位更加有排等。一早听闻芝士龙虾相当出名，所以谂都无谂就叫一份试一试。龙虾肉大旧又弹牙，芝士味牛油咪好重，好好食。个翅货真价实好足料，加埋莞茜，系出奇地夹。片皮鸭，普通水准啦，始终唔系专做呢样，真系差少少。条鱼蒸嘅火喉刚刚好，好有鲜味。至于服务勉强叫ok啦，员工态度可以再好啲，但啲员工有时会用普通话同我讲野，我就真系R爆头，明明我一直keep住用广东话讲野。最后埋单，四个人大约二千三，平均五百几一个人。