影片
更多
2018-12-11
87 浏览
公司附近有间越男仔分店，同事成日赞好味又抵食，所以系旺角揾食见到有越男仔就拣左食佢。店面空间比较细，所以只有吧枱位，位置比较迫不过好干净整齐。我地坐系贴住开放式厨房嘅位，可以见到店员准备食物。睇餐牌就知越男仔走fusion风格，有别传统越南料理，系越南春卷上面加海胆或者汤檬上加生蚝，好有新意。每次食越南菜必点生牛肉汤河，可惜个日卖哂河粉只好转食檬粉，好彩檬粉够滑而且唔碎，吸左汤都好味道。讲番生牛肉，份量几多舖满成碗粉，比平时食嘅生牛肉厚身，嫩滑而且牛味浓郁，绝对系期待以上！朋友点左生蚝椰汁酸汤汤檬，汤底一入口真系好酸，之后试到椰奶嘅香味，愈食愈开胃。生蚝好肥美，蚝香同个酸汤嘅味好夹，不过可以再多几只生蚝就好啦，朋友话唔够喉！见到海胆即刻两眼发光，海胆好新鲜，挺身而且好鲜甜，夹埋手撕鸡檬纸卷一齐食味道好丰富。得奖菜芝心虾多士，炸到脆一脆嘅多士包住弹牙虾胶，中间仲有芝士，咬落去真系好满足，表面加左芝麻食落更加香脆。芝士份量岩岩好唔会太腻，钟意食香口野一定要点！低占左呢度嘅大份量，最后食到超级饱。新派越南菜配搭得好好，相信花左唔少心思创作，价钱都好合理，可以encore嘅选择
店面空间比较细，所以只有吧枱位，位置比较迫不过好干净整齐。我地坐系贴住开放式厨房嘅位，可以见到店员准备食物。
睇餐牌就知越男仔走fusion风格，有别传统越南料理，系越南春卷上面加海胆或者汤檬上加生蚝，好有新意。
每次食越南菜必点生牛肉汤河，可惜个日卖哂河粉只好转食檬粉，好彩檬粉够滑而且唔碎，吸左汤都好味道。讲番生牛肉，份量几多舖满成碗粉，比平时食嘅生牛肉厚身，嫩滑而且牛味浓郁，绝对系期待以上！
朋友点左生蚝椰汁酸汤汤檬，汤底一入口真系好酸，之后试到椰奶嘅香味，愈食愈开胃。生蚝好肥美，蚝香同个酸汤嘅味好夹，不过可以再多几只生蚝就好啦，朋友话唔够喉！
见到海胆即刻两眼发光，海胆好新鲜，挺身而且好鲜甜，夹埋手撕鸡檬纸卷一齐食味道好丰富。
得奖菜芝心虾多士，炸到脆一脆嘅多士包住弹牙虾胶，中间仲有芝士，咬落去真系好满足，表面加左芝麻食落更加香脆。
芝士份量岩岩好唔会太腻，钟意食香口野一定要点！
低占左呢度嘅大份量，最后食到超级饱。新派越南菜配搭得好好，相信花左唔少心思创作，价钱都好合理，可以encore嘅选择
张贴
