影片
更多
2019-03-30
53 浏览
见到朋友IG story食芝士鸡煲食得咁滋味，忍唔住问佢系边到食得到。后来先知原来佢经常帮衬呢间，未食过芝士鸡煲嘅我当然要拉佢陪我试下啦～因为去之前收到店员电话确认预约，叫我地唔好迟到。咁我地当然好乖系预约时间5点前到铺头，但系间铺黑哂，有两个疑似店员嘅人坐系出面。基于佢地个样都几恶下，又无问我地系咪bk咗位，我地都唔敢贸贸然问佢地系咪店员或者开店未。后尾见到门口痴住张poster写开店时间系5点半，我就奇怪咁又比人预约5点？于是我地再出去兜下，搭正5点先再过去，点知都仲系未开店闩哂门咁。之后一边再系附近兜一边打电话比铺头，问其实系咪开5点半，店员又话唔系，语气唔太好咁话开咗好耐啦，仲质疑只系我个钟快咗。个下完全呆咗，明明一分钟前完全无人咁款，真系好无奈。入座后，朋友觉得佢个位隔离有条柱顶住唔方便食野，问可唔可以调位，个阵成个场系好吉，店员一开始都唔太想比佢转，我提议同朋友调位坐，不过佢都惊我食得辛苦所以依然想转。好彩最后都肯比我地转位，只系店员又再三提醒我地一定要7点前走人。食物方面，我地叫咗三重芝士鸡煲。芝士都几足料，好香。店员都会帮你炒，同你讲下可以refill鸡件。芝士都做到拉
因为去之前收到店员电话确认预约，叫我地唔好迟到。
咁我地当然好乖系预约时间5点前到铺头，但系间铺黑哂，有两个疑似店员嘅人坐系出面。
基于佢地个样都几恶下，又无问我地系咪bk咗位，
我地都唔敢贸贸然问佢地系咪店员或者开店未。
后尾见到门口痴住张poster写开店时间系5点半，我就奇怪咁又比人预约5点？
于是我地再出去兜下，搭正5点先再过去，点知都仲系未开店闩哂门咁。
之后一边再系附近兜一边打电话比铺头，问其实系咪开5点半，
店员又话唔系，语气唔太好咁话开咗好耐啦，仲质疑只系我个钟快咗。
个下完全呆咗，明明一分钟前完全无人咁款，真系好无奈。
入座后，朋友觉得佢个位隔离有条柱顶住唔方便食野，
问可唔可以调位，个阵成个场系好吉，
店员一开始都唔太想比佢转，我提议同朋友调位坐，不过佢都惊我食得辛苦所以依然想转。
好彩最后都肯比我地转位，只系店员又再三提醒我地一定要7点前走人。
食物方面，我地叫咗三重芝士鸡煲。
芝士都几足料，好香。
店员都会帮你炒，同你讲下可以refill鸡件。
芝士都做到拉丝效果，鸡肉都入味，算颇滑嫩。
另外几欣赏佢地可以点完芝士鸡煲，再refill秘制麻辣鸡煲，一次食两种口味。
不过我地无refill，食完直接加水打边炉。
今次边炉唔算食太多𩠌，我都系专注食下牛肉、鱼片头、鱼皮饺个类。
边炉不过不失，味道正常。
另外有样都想赞，由于我当日唔太舒服，唔饮得冻野，
而我又见到有一箱箱未雪嘅康师傅冰红茶系雪柜隔离，
我就问店员姨姨可唔可以自己拎未雪个啲，点知佢即刻帮我拎埋，值得一赞。
最后我地7点前走人，虽然多咗人，不过其实都未至于爆场。
我朋友去埋单，佢同我讲店员叫佢唔好星期六日帮衬，平日先好帮衬，因为少人。
我觉得有啲搞笑，其实约得六日自然有佢原因嘅，唔通惊人多就唔食饭咩。
更何况我地食嘅时间已经好早，唔算多人。
虽然明白佢系温馨提示，但都感觉佢有啲倒米。
张贴
