影片
更多
2008-06-09
51 浏览
六月六日(五)食到个虚有其表盐酥鸡排乌冬，突然好想食西米布甸黎满足番，老婆预先过去满记买定等我食完个乌冬就可以即刻有得食，除左布甸仲加多左个芒果班戟添～焗西米布甸($23)个人觉得满记最好食既甜品，虽然如此，但比起酒楼黎讲其实及唔上，车品品果个暂时未食到~ ~" 不过正常黎讲一定比佢好～ $23黎讲SIZE细其实有D贵添，不过宜家有得卖焗西米布甸不多自己又钟意食，都系要帮衬～ 讲番味道，平时满记焗西米布甸系用芋蓉，今日听闻系芋头唔靓所以转用左芝麻，比较小见口味～ 表层焗得其实算唔错，但应该唔系新鲜焗起，有小小硬及面层有分离现象～ 芝麻饀食落只似芝麻糊，饀味道唔算突出亦唔算夹西米布甸，都系芋蓉好D，莲蓉当然更好！ 幸好中间部份非常好吃，挽回不小分数～芒果班戟($19)第一次食满记芒果班戟，原来佢仲平过焗西米布甸，但份量就比西米布甸多～ 一盒两旧都包得几靓仔，班戟微涨卖相几好～ 里面虽然都好多Cream但果肉亦都几足，芒果亦都唔会酸，配合起来非常不错～今餐系系尼间满记度比较满意一餐，可能因为无叫中式糖水～ 但价钱依然偏贵～
食到个虚有其表盐酥鸡排乌冬，突然好想食西米布甸黎满足番，老婆预先过去满记买定等我食完个乌冬就可以即刻有得食，除左布甸仲加多左个芒果班戟添～
焗西米布甸($23)
个人觉得满记最好食既甜品，虽然如此，但比起酒楼黎讲其实及唔上，车品品果个暂时未食到~ ~" 不过正常黎讲一定比佢好～ $23黎讲SIZE细其实有D贵添，不过宜家有得卖焗西米布甸不多自己又钟意食，都系要帮衬～ 讲番味道，平时满记焗西米布甸系用芋蓉，今日听闻系芋头唔靓所以转用左芝麻，比较小见口味～ 表层焗得其实算唔错，但应该唔系新鲜焗起，有小小硬及面层有分离现象～ 芝麻饀食落只似芝麻糊，饀味道唔算突出亦唔算夹西米布甸，都系芋蓉好D，莲蓉当然更好！ 幸好中间部份非常好吃，挽回不小分数～
芒果班戟($19)
第一次食满记芒果班戟，原来佢仲平过焗西米布甸，但份量就比西米布甸多～ 一盒两旧都包得几靓仔，班戟微涨卖相几好～ 里面虽然都好多Cream但果肉亦都几足，芒果亦都唔会酸，配合起来非常不错～
今餐系系尼间满记度比较满意一餐，可能因为无叫中式糖水～ 但价钱依然偏贵～
张贴
