茶木‧台式休閒餐廳 (青衣城1)

营业中

休息中

今年3月去完迪士尼又未食晚餐，就走去青衣城睇睇有无好嘢食。落到去下层本来想食拉面，企门口无人理，于是向相反方向走左去呢间茶木。本身无太大期望。大约八点，人少少，比左沙发位我一位坐！跟住见到有香菜煎鲈鱼手作面，可以拣饮酸梅冰，都只系$77（已经连加一）！（香菜这里即指芫茜）非常吸引，于是落单。先有酸梅冰解渴，唔错！够大杯，系冻酸梅汤加冰既味道然后等左一阵，就上埋碟芫茜煎鲈鱼手作面，绝对色香味具俱全！鲈鱼皮脆肉juicy，有好多芫茜，与面同啲豆非常混和配合，好满足！睇埋相！呢个价钱超值得。比起我第二次食九龙湾𠮶间茶木点同一个餐新鲜好食好多…可惜宜家已经从餐牌上消失！如果呢款芫茜手作面可以纳入全线恒常餐牌，相信一定可以吸引到我再帮衬！