影片
更多
2021-09-23
604 浏览
我最近唔可以食太多海鲜，但又好想食日本嘢🎌，上网揾到铜锣湾有间日式料理店「芯」好似几啱心水，于是就打电话订定枱星期日晚食。小店座落于铜锣湾广场，平日好少行呢度，真系无乜为意佢开咗乜餐厅。店舖面积唔大，一眼睇晒，但佢选用咗高枱高櫈，以提升空间感，而且隔板将枱与枱之间分隔得好好，环境舒服😌。餐厅卖嘅食物种类包括寿司刺身、串烧、小食、铁板烧同大阪烧等，对于唔食海鲜嘅人嚟讲，选择都算几多👍。再者，佢定价合理，客人可以放心点餐。M6-7和牛西冷($238/150g)，🥩牛扒造型先声夺人，超有霸气，老实讲我咁大个仔都系第一次见咁大块金箔🤣。除咗样靓之外，牛扒味道亦都唔错，火喉控制得宜，无论色水定口感都系我哋要求嘅五成熟。西冷肉质软稔，油脂分布均匀，咬落多汁，牛味浓郁，简单用盐调味已经好食。麻辣五花片大阪烧($72)，而家唔系咁多餐厅有得食大阪烧，佢有得食之余，仲提供多款口味。我要咗麻辣五花腩🐷，豚肉有好多片，辣度老少咸宜。大阪烧嘅粉浆同椰菜比例得宜，煎得香口，而且仲搭伴大量配料，如青葱、芝麻、紫菜同蛋黄酱等，食落味道层次丰富。不过留意返，木鱼片放置于枱面嘅瓶里，要自行加配。唐扬鸡胸软骨($52)，
我最近唔可以食太多海鲜，但又好想食日本嘢🎌，上网揾到铜锣湾有间日式料理店「芯」好似几啱心水，于是就打电话订定枱星期日晚食。
小店座落于铜锣湾广场，平日好少行呢度，真系无乜为意佢开咗乜餐厅。店舖面积唔大，一眼睇晒，但佢选用咗高枱高櫈，以提升空间感，而且隔板将枱与枱之间分隔得好好，环境舒服😌。
餐厅卖嘅食物种类包括寿司刺身、串烧、小食、铁板烧同大阪烧等，对于唔食海鲜嘅人嚟讲，选择都算几多👍。再者，佢定价合理，客人可以放心点餐。
M6-7和牛西冷
$238
22 浏览
0 赞好
0 留言
M6-7和牛西冷($238/150g)，🥩牛扒造型先声夺人，超有霸气，老实讲我咁大个仔都系第一次见咁大块金箔🤣。除咗样靓之外，牛扒味道亦都唔错，火喉控制得宜，无论色水定口感都系我哋要求嘅五成熟。西冷肉质软稔，油脂分布均匀，咬落多汁，牛味浓郁，简单用盐调味已经好食。
麻辣五花片大阪烧
$72
10 浏览
0 赞好
0 留言
麻辣五花片大阪烧($72)，而家唔系咁多餐厅有得食大阪烧，佢有得食之余，仲提供多款口味。我要咗麻辣五花腩🐷，豚肉有好多片，辣度老少咸宜。大阪烧嘅粉浆同椰菜比例得宜，煎得香口，而且仲搭伴大量配料，如青葱、芝麻、紫菜同蛋黄酱等，食落味道层次丰富。不过留意返，木鱼片放置于枱面嘅瓶里，要自行加配。
唐扬鸡胸软骨
$52
17 浏览
0 赞好
0 留言
朋友叫咗四粒寿司食吓🍣，包括炙烧左口鱼裙边寿司($23)、炙烧三文鱼寿司($25)、牛油果三文鱼寿司($28)同埋鳗鱼寿司($27)。佢哋卖相整齐，大大粒，朋友话味道都OK，炙烧𠮶两款油香特别重，但略嫌寿司饭醋味唔够，可以酸啲。
总括嚟讲，呢间小店几高质，食物味道令人满意🤤，服务亦都好贴心，例如店员们好好礼貌，上菜时会介绍菜式，亦不时主动为客人添茶🍵。喺手机落单嘅版面中，佢更设有个人化嘅选项，例如大阪烧可以走葱或走酱等。最后，芯系支持香港人嘅良心小店💛，值得推介。
张贴
