花粉熱 (裝修中)

之前朋友在facebook post过呢间咖啡店"花粉热"，觉得个名几得意，又系花店里面既cafe，啲相又好靓咁。所以，今日同朋友特登过黎呢间咖啡店试下。出左太子地铁站，向花墟方向行过去，大概5分钟左右就到，唔难揾。店面系卖唔同种类既花草植物，摆设得好靓，好吸睛。当你行入少少就系一间cafe，分两层。全部枱椅都系木做，同佢店面融为一体。佢有两层分楼上，楼下，而楼上就全层都系cafe。特登谂住平日三点几去，以为会无乜人，可以静静地坐下。点知去到发现呢间cafe平日都好旺场，楼下人比较多，所以选择左坐楼上。一上到去，见到地方都好宽敞，有三枱人已经坐低左，食下cake，饮住咖啡。平日呢个钟数去cafe，真系好少见会咁多人，可想而知，假日黎既话实无位。我叫左杯latte，朋友叫左杯洋甘菊，再加件黑松露朱古力蛋糕。讲真，我对杯latte系有啲期待，因为系openrice见啲相好靓，但期望越大，失望越大。首先，天鹅拉花有小小变型，有啲失望其次，咖啡饮落有啲苦涩，奶泡打得唔够滑。36蚊呢个价唔算太贵，但真系可以做得更加好。朋友既洋甘菊无乜特别，平时既茶包，无乜好评价。朱古力蛋糕系滑，偏甜，中规中举。