賞島咖啡屋

营业中

休息中

今日趁lunch break去花墟附近买花同埋食个靓lunch，经过呢间赏岛咖啡屋，见到个名好文青，同埋佢个set lunch都几吸引，唔使择日即刻入去试吓先。我拣咗餐厅招牌嘅蒜油蚬肉花椒意大利面，而我个土豪同事就叫咗西京烧比目鱼，另外有得拣沙律或者汤，我哋两个都拣咗餐汤蕃茄汤，嘢饮就叫咗一杯柚子梳打同埋热情果梳打。蒜油蚬肉花椒意大利面闻落去好香，食落有少少辣好惹味，蚬都几新鲜完全冇沙，蚬肉同啲拉面嘅比例亦都合适。平时我都有食开辣，所以呢个我会形容系有少少辣味但系接受到嘅。我试咗朋友𠮶份西京烧比目鱼一啖，肉质嫩滑，食得出有孜然粉同其他日式嘅酱汁，几好食。另外，伴碟嘅自家制薯蓉有惊艳到我，少少调味但系食落又好健康嘅感觉。