LIFETASTIC (希慎廣場)

营业中

休息中

同朋友庆祝生日，晚餐食居酒屋，因为餐厅收切饼费$100，所以我哋就决定食完晚餐转场，book咗呢间去食蛋糕吹蜡烛。我哋三个女仔order咗三个小蛋糕，先试佢嘅招牌草莓西瓜蛋糕，可能因为本人唔系好食西瓜嘅关系，所以觉得普普通通。第二个食嘅系香蕉焙茶蛋糕，♥︎♥︎非常喜欢，陪茶味香浓，配上甜甜嘅香蕉，呢个组合非常夹✩✩虽然三个蛋糕里面卖相最普通系佢，但我觉得系最好味✌︎✌︎最后我哋食喺希慎铺独有嘅碟豆花蓝莓芝士蛋糕。坐我隔离嘅朋友讲到明系唔钟意食呢个，对于我来讲就唔错嘅，淡淡嘅忌廉芝士味，配上粒粒蓝莓果肉，整个蛋糕都充斥住碟豆花嘅味道。另外饮品方面，我叫咗一杯朱古力奥利奥咖啡奶昔♥︎♥︎♥︎好好味呀，如果你唔怕肥的话，系必点嘅饮品✌︎✌︎今次我哋冇食热食，但眼见隔离枱嘅热食卖相非常之吸引，下次一定要去试佢嘅热食。蛋糕卖相吸引，庆祝生日系唔错嘅选择，不过味道方面未必款款都可以满足到味蕾。