鋼管廠五區小郡肝串串香 (已結業)

如果想晏昼饭食到辣野，呢一度绝对系一个好选择，下午都可以打住边炉，慢慢谈天说地食钟意食嘅嘢。佢个名真系够晒特别，叫做钢管厂！唔讲唔知原来佢系内地传过嚟，𠮶度食串串系好出名。今日同朋友终于试到，佢啱啱开张，某啲串串做紧八折，好抵食！首先我哋叫咗个酸菜鸳鸯锅，一边系酸菜汤令一边系麻辣锅，我哋两个异口同声拍案叫绝，因为呢个组合都几难得。随即系出边嘅雪柜拎左好多唔同类型嘅串串，仲有啲系用唔同颜色嘅盘盛载着，上面亦都写上价钱，方便大家辨认，我哋叫咗呢度嘅冻豆腐，仲有秋葵同乌冬米线，全部浸左汤之后都好惹味，虽然麻辣锅𠮶边有少少油但系佢嘅马勒香好攻鼻，又辣又想食，真过瘾。太口渴嘅关系，我哋都叫咗两杯嘢饮这分别系竹蔗水同自家制嘅洛神花茶，洛神花茶唔会整到太酸，而且清清凉凉感觉，凉透心。竹蔗水里面真系用鲜榨嘅竹席，食得出竹的味道，真系原汁原味。呢度仲有其他特色小食，包括红豆糍粑，好软熟，出边有少少油炸但系食落去系面粉做，口感好特别。如果辣得滞都可以食埋佢个冰粉一食落去即时解啦因为佢加上桂花蜜，将口里面嘅辣中和。