諾亞半熟蛋糕專門店 (已結業)

去到九龙城除左食就真系谂唔到第二样野, 本身都有听过诺亚半熟蛋糕, 但每次到九龙城食完野后都已饮饱食醉无机会食到, 所以今日都把心一横试试佢,买返屋企做甜品!蛋糕既种类花多眼乱, 每种味都想试,一时之间唔知点拣好为求稳阵,一口气买左两个,一个系原味半熟蜂蜜蛋糕，而另一个就系芒果味半熟芝士蛋糕(迷你杯)。原味半熟蜂蜜蛋糕:整个蛋糕比较软熟,唔会因为天气关系已导致太淋或因干冰雪住关系令到太硬。另外蜂蜜味清香,坏食到底,蜂蜜味更浓郁。芒果味半熟芝士蛋糕(迷你杯):芒果本身就咁食已经香甜,加埋芝士蛋糕简直perfect match. 芝士入口即溶, 而且唔会油腻。题外话: 店员姐姐问我要几耐路程返到屋企, 佢就会预返适量干冰比我, 而且亦都教我如果放落雪柜拎返出黎食,要解冻先再食, 够晒细心