影片
更多
2005-01-23
33 浏览
一行三人黎食晚饭, 同一条街见到两间华苑有人响度拉客, 原来只系新铺同旧铺之分, 基本上系一样的. 我地去左旧铺.餐牌选择非常多, 又图文并茂, 对于唔太熟潮州菜既我地, 花多眼乱得黎又睇得好兴奋, 样样都想试. 结果要左:普宁豆腐----好大件, 热辣辣, 外脆内软滑.沙茶蛏子----多沙, 但肥美大只, 加上唔系煮得太熟, 好岩我地口味.水瓜烙----好怕出面好多食肆, 整呢d乜乜烙都炸到油腻又死咸. 呢度标榜半煎煮, 果然唔算油腻, 质感少少烟韧. 水瓜味淡, 钟意香口d既可以拣其他材料.梅糕烧骨----自称系招牌菜, 虽然唔觉好特别, 但味道酸酸甜甜好醒胃, 又香口, 都唔错.煎芋粿----芋头切幼丝之后, 用腐皮卷成一大条, 再切厚块煎成. 蘸个甜甜地既酱汁食, 好味.潮州炒鱼面----芹菜好香, 个鱼面质地似扎肉, 味道似鱼蛋, 所以呢味似小菜多过炒面.豆酱炒春菜----豆酱味唔浓, 春菜味似芥菜.反沙金银----即系反沙芋头拼蕃薯, 估唔到个甜品系成餐最令人失望既. 食开既系d糖成块咁黐实件芋头, 呢度就将葱同糖炒埋, 再铺响芋头同蕃薯上面, 感觉完全唔同.环境系茶餐厅格
餐牌选择非常多, 又图文并茂, 对于唔太熟潮州菜既我地, 花多眼乱得黎又睇得好兴奋, 样样都想试. 结果要左:
普宁豆腐----好大件, 热辣辣, 外脆内软滑.
沙茶蛏子----多沙, 但肥美大只, 加上唔系煮得太熟, 好岩我地口味.
水瓜烙----好怕出面好多食肆, 整呢d乜乜烙都炸到油腻又死咸. 呢度标榜半煎煮, 果然唔算油腻, 质感少少烟韧. 水瓜味淡, 钟意香口d既可以拣其他材料.
梅糕烧骨----自称系招牌菜, 虽然唔觉好特别, 但味道酸酸甜甜好醒胃, 又香口, 都唔错.
煎芋粿----芋头切幼丝之后, 用腐皮卷成一大条, 再切厚块煎成. 蘸个甜甜地既酱汁食, 好味.
潮州炒鱼面----芹菜好香, 个鱼面质地似扎肉, 味道似鱼蛋, 所以呢味似小菜多过炒面.
豆酱炒春菜----豆酱味唔浓, 春菜味似芥菜.
反沙金银----即系反沙芋头拼蕃薯, 估唔到个甜品系成餐最令人失望既. 食开既系d糖成块咁黐实件芋头, 呢度就将葱同糖炒埋, 再铺响芋头同蕃薯上面, 感觉完全唔同.
环境系茶餐厅格局, 服务大致上ok, 其中一位侍应哥哥会主动介绍菜式, 好笑容又有礼貌. 我地唔知呢度既潮州菜味道正唔正宗, 但选择真系多, 好多都未试, 有机会一定再黎.
张贴