心齋 (已搬遷) 新店位置

心斋喺半山花园道，地点上唔算方便，但上到去真系有远离尘嚣既感觉。䢂门一开，餐厅既装潢，色调令整体环境平静柔和，加上兰花／佛像／宇画等摆设，增加多一点东方色彩。虽然都系一班人坐大圆枱既中式餐厅摆位，但环境并不嘈杂。菜式都相当多元化，有平常中菜馆见到既，亦有一啲较精致既款式，用少见既食材黎烹调。先黎香草焗淮山猴头菇热下身，猴头菇煲汤得多，食真系第一次，原来都几爽口，加上浓烈香草味，感觉好新鲜！接住既虫草花锅笋浸鲜竹系我全晚最爱！汤头味道鲜甜又唔过浓，腐竹索哂个汤既味道，令人爱不释手。回锅豆腐煲用豆腐取代猪肉，不减惹味，豆腐亦令呢个菜式冇咁油腻，煲类食物都可以有清新既感觉都唔容易。另一个必食既就当然系川式水煮鲜野竹笙。水煮鱼平日系我既最爱，而竹笙口感，味道上其实都唔会取代到鱼肉呢个系事实。不过竹笙有自己特殊既口感，亦可索到汤汁。令呢道菜式另具特色。而且个汤底实在香浓，加上有其他平时冇既配料如蒟蒻，令水煮乜乜既野有一啲新惊喜。不过我个人真系好食得辣，川菜既standard黎讲呢个辣度略嫌不足。